Mazkwẽ nasawa Jeuwa kaajiꞌyusaweꞌsxa Dxus selpiisa ũssesana sujuꞌneta. Nawa 2700 años takhweyã Dxus isasa yase kiꞌphne selpiina ũssas “txãjx kaajiyusanaꞌw” (Isaías 43:10-12, TNM). Nawa 1931año eꞌsu naꞌwnetkhaꞌw yase yũu Dxus eç piyasanaꞌw. Açyu kweꞌsxa txhitxhnetkhaꞌw Jeuwa kaajiꞌyusanaꞌw yaseya ¿kĩh yũuçxa?

Kim kweꞌsx Dxus Jiyukan ptaꞌsxna ũstxkx. Txãjx yase Jeuwa vxaane mazkwẽ ahtewa Dxus eçte. Txãwtxi ptaꞌsxi nyaafxi eç uynisa. Mazkwẽ Dxus eçsuwaꞌj khũkhneta Dxus yaseꞌs, khĩiçxa Dxusçxa jĩineta vxite Señor jĩitx. Nawa Dxus isasa vxaane Moisesaꞌs naꞌjĩn: “Adx yase bakaçxtewa txãwçxaꞌyũna” (Éxodo 3:15, TNM). Txãa yu fxiysana vxite dxus isasameeyakh. Saꞌ Kweꞌsxwa wẽt yahkxthaꞌw Dxus yaseꞌs jiꞌphçxa.

Ptaꞌsxik maꞌw yũuwatewaꞌj. Nyaafxte takhne Abel kuꞌl kuꞌle uꞌjusayakh, mazkwẽ nasawa weꞌwneta Dxus sũhnis ũusteçxaa jiꞌphçxa puꞌçxhne Jeuwa. Txaꞌwẽy Noe, Abrahan, Sara, Moises, saꞌ David tãaphnaꞌw ũsyã (Hebreos 11:4–12:1). Txaꞌwẽy vxite nasa ewsa jũꞌguyũute, neꞌjweꞌsx dxiiphte weꞌwethaꞌw txãa nasa paꞌka, kweꞌsxa txaꞌwẽy Dxus jũꞌgu weꞌwethaꞌw jxuka nasaweꞌsxaꞌs Dxusaꞌs jiyukan.

Kweꞌsxa Jesus naꞌwẽy fxiymeethaꞌw. Dxus eça yasek Jesus “isasaçxáꞌs weꞌwesa” (Revelación 3:14). Txãjxçxaa Dxus yaseꞌs ptaꞌsxne, saꞌ “Adx jxpeꞌjnisatxiꞌ kaajiyuꞌth kimtewa” (Juan 17:26; 18:37). Nawa txaawẽꞌsx ih uꞌjusa yu Jeuwa yaseꞌs jiꞌphyã txaꞌwẽy ptaꞌsxwaꞌjna. Jeuwa kaajiyusa ãçxhwa txaꞌwẽyçxa ptaꞌsxna ũsthaꞌw.

• Kweꞌsx yuphtenetkhaꞌw naꞌwnetkhaꞌw yaseyũu Dxus eç piyasa, nawa ãçxha Jeuwa kaajiꞌyusanaꞌw yasethaꞌw ¿kĩh yũuçxa?

• ¿Jeuwa baaçxikik jiꞌphu kaajiꞌyusa naa kiwete?

• ¿Kimki wejxkwe walasa Jeuwa kaajiꞌyusa jxthuhthesa naa kiweteyu?