Jehovahuaj testigogunara, cunalla religión tucushca nisha huaquin runauna rimanun. Shinajpis, Yaya Dios ñaupa timpumanda paita sirvijcunara ñuca “testigos” anguichi nisha rimashca (Isaías 43:10-12). Ñucanchi 1931 huatagama, Bibliamanda Yachaujcuna nij acanchi. Shinajpis ¿imarasha Jehovahuaj testigoguna shutira ajllacanchi?

Ñucanchi Dios ajta ricsichin. Ñaupa Biblia quillcashcaunai Jehová shuti ñaca canchis huaranga cutin tian. Ashca Bibliaunai Diospa shuti quillcana randimanda, Señor, Dios quillcanushca. Shinajpis Diosllara Moisesta rimaca, ñuca shuti Jehovami, “caimi huiñai huiñaigama ñuca shuti an” nisha (Éxodo 3:15). Shina nisha pailla Ushaj Dios ashcara yachachica. Chiraigu Jehovahuaj testigoguna ashcamanda cushiyanchimi.

Ñucanchi ima rana ashcara ricuchin. Yaya Diosta casuj Abel runamanda callarisha, shujta runaunas Jehová Diospi fe charishcara ricuchinushca, huasha Noé, Abrahán, Sara, Moisés, Davidpas “testigoguna” tucusha Jehovamanda shinallara rimanuca (Hebreos 11:4–12:1, NM). Imasna shu testigo tribunalbi rimasha difindin, shinallara ñucanchi Yaya Diosta ali rimasha difindinchi.

Jesús cuinta Jehová Diosta sirvingahua. Jesusmanda rimasha Biblia nin: “Sirtu ricusha Rimaj” aca (Ricuchina [Apocalipsis] 3:14). Jesusllara nica, ñuca Yaya shutira ricsichicani, ‘sirtu shimira rimangaj shamucani’ nisha ( Juan 17:26; 18:37). Chiraigumanda Jesusta catijcuna Diospa shutira shujcunama ricsichinchi. Chiraigu Jehovahuaj testigoguna asha, chita tucui shunguhua pactachinchi.

• Bibliamanda yachaujcuna shuti randimanda ¿imarasha Jehovahuaj testigoguna shutira charinchi?

• Jehová Diosga cai Allpaibi ¿ima timpumanda testigogunara charishca?

• Tucui Jehovahuaj testigogunamanda ¿pita mas yali an?