Phenel pes, hoj le Jehovaskere svedki hine nevo naboženstvo. Nane ada čačipen! Imar buter sar anglo 2700 berš, pes vakerelas čiže delas duma pal o manuša, so služinenas le džide Devleske, sar pal leskere svedki. (Izaiáš 43:10-12) Andro berš 1931 diňam peske o menos Jehovaskere svedki. Soske?

Ada sikavel, ko hino amaro Del. Andro phurikane biblicka zvitki hin le Devleskero menos o Jehovas asi pro 7000 thana. Andro but biblicka prekladi, mukhenas ada menos avri a pisinenas ča o Raj, abo o Del. Ale džido Del korkoro phenďa le Mojžišoske, hoj pes avka vičinel: Ada hino miro menos pro furt! (2. Mojžišova 3:15) Aleha sikaďa, hoj hino aver sar o sochi, angle save pes klaňinenas o manuša. Thovas baripen, hoj amen prindžaren pal o Devleskero svato menos!

Ada sikavel, so keras. Imar čirla le Devleskere služobňika svedčinenas, hoj paťan andro Jehovas. Peršo lendar sas o Abel. Le beršenca sas thiš o Noach, o Abraham, e Sara, o Mojžiš, o David the aver svedki. (Hebrejom 11:4–12:1) Avka, sar pro sudos pes o svedkos zaačhel vaš o čestno manuš, avka the amen pes zaačhas vaš o čačipen pal amaro Del.

Keras ada, so kerelas o Ježiš. E Biblija phenel, hoj o Ježiš hino verno the pravo svedkos. (Zjavenie 3:14) Ov phenďa pal peste, hoj diňa le manušenge te džanel le Devleskero menos a hoj furt phenelas o čačipen pal o Del. (Ján 17:26; 18:37) O manuša mušinen te sprindžarel le prave kresťanen pal o Devleskero menos Jehovas, bo pal leste sikaven avren. Le Jehovaskere svedki ada keren.

• Soske peske diňam o menos le Jehovaskere svedki?

• Kanastar le Devleskere služobňika svedčinen pal o Jehovas?

• Ko hino le Jehovaskero nekbareder svedkos?