Μπουτ τζενέ πακιάνα ότι «Μάρτυρες του Ιεχωβά» ισί ο ναβ εκχέ νεβέ θρησκειάκο. Αλλά, πριν από 2.700 ντα πιο μπουτ μπρεσά, ο τζενέ σο πακιάνας ντα ασουνένας ι Ντεβλές βακέρντιβενας «μάρτυρες» λέσκε. (Ησαΐας 43:10-12) Μέχρι κο 1931, βακέρντιβαας Σπουδαστές της Γραφής. Αλλά σόσκε λιντάμ ο ναβ Μάρτυρες του Ιεχωβά;

Σικαβέλα κον ισί αμαρό Ντεβέλ. Ο βιβλία ι Γραφιάκε σο γραφισάλε πριν μπουτ μπρεσά τθερένας αντρέ ι Ντεβλέσκο ναβ, σο ισί Ιεχωβά, χιλιάδες φαρ. Αλλά μπουτέ Γραφένταρ τθερένα νικαντό λέσκο ναβ ντα τσσουντέ ο τίτλος Κύριος ή Ντεβέλ. Όμως, ο αληθινός Ντεβέλ, ο Ιεχωβά, σικαντάς πο ναβ κο Μωυσής ντα βακερντάς: «Ανταβά ισί μο ναβ για πάντα». (Έξοδος 3:15) Ανταλέ ναβέσαρ, ξεχωριντάς-πες σαρέ οντουλένταρ σο μανγκένα τι λεν λέσκι θέση. Ισινάμ περήφανοι σο τθεράσα ανταβά άγιος ναβ ι Ντεβλέσκο.

Σικαβέλα σο κεράσα. Κο πουρανέ μπρεσά, μπουτ τζενέ κερένας λάφι οντουλένγκε σο πακιάνας. Ο πρώτος ισινέ ο Άβελ, ντα καμπόρ νακχένας ο μπρεσά, ο Νώε, ο Αβραάμ, η Σάρρα, ο Δαβίδ ντα μπουτ γιαβερά κερένας λάφι βον-ντα οντουλένγκε σο πακιάνας. (Εβραίους 11:4–12:1) Σαρ εκ τανό τζενό σο ισί μάρτυρας κο δικαστήριος για τι ντελ δίκιος εκχέ τζενές σο να κερντάς κάτι κακός, αντικάς αμέν-ντα ισινάμ αποφασισμέ τι βακεράς σαριλέντε ι αλήθεια ι Ντεβλέσκι.

Κεράσα οντουβά σο κερέλας ο Ιησούς. Η Γραφή βακερέλα ότι ισί “πιστός ντα αληθινός μάρτυρας”. (Αποκάλυψη 3:14) Ο Ιησούς “βακερέλας σαριλένγκε ι Ντεβλέσκο ναβ” ντα “ντέλας μαρτυρία για την αλήθεια” ι Ντεβλέσκι. (Ιωάννης 17:26· 18:37) Οτθάρ, ο αληθινοί μαθητές ι Ιησούσκε πρέπει τι τθερέν ντα τι βακερέν ο ναβ ι Ντεβλέσκο σαριλένγκε. Ανταβά προσπαθίνενα τι κερέν αντράλ πουμαρέ γκίσταρ ο Μάρτυρες του Ιεχωβά.

• Σόσκε ο Σπουδαστές της Γραφής λιντέ ο ναβ Μάρτυρες του Ιεχωβά;

• Κάνα αρχισάλο τι τθερέλ ο Ιεχωβά μαρτυρέν ατθέ κι πφουβ;

• Κον ισί ο πιο μπαρό Μάρτυρας του Ιεχωβά;