Famör ma‘oi a‘häe ne Uetnes ‘on Jihova, as ne rot fo‘out. ‘E fạu 2,700 ne ofiofu, lelea‘ ea‘ ‘on ‘Ạit aier ta, he‘ la ‘on “kạuạg uetnese.” (Aisea 43:10-12) ‘Ạmis he‘ Lelea‘ Rak Puk Ha‘ ma hele‘ ‘e fạu 1931. Ka pō ‘e tes tä ‘ạmis a‘mou e as ta Uetnes ‘on Jihova?

Iạ no‘ạkia as ne ‘otomis ‘Ạitu. Puk takại‘ȧk ne roa kel‘ȧk ne as ‘on ‘Ạitu no‘ a‘äf hisaghul ‘e Puk Ha‘a. ‘E höl‘ȧk ne Puk Ha‘ ma‘oi, as te‘ ‘ut‘ȧk vạhia ka nā‘ia Gagaja ne ‘Ạitu la togia. ‘Ạit aier ta no‘ȧk ‘on asa, Jihova, se Mosese ma ‘eag: “Te‘is ‘otou asa se av se ‘es tohiget ne tore.” (Sại‘ạkiga 3:15) Te‘is kel‘ȧk ne iạ tū ‘e te‘ ne ‘ạit sioksiko. Iạ tē a‘pumuạ‘ạki la ‘ạmis la tạria as ha‘ ‘on ‘Ạitu.

Iạ fäeag‘ạkia garuet ne väem la ‘ạmis la rē. Famör ma‘oi ‘e ‘on  tạusa, kamatama ‘e fā ag nonoj ta ‘Epeli, iris uetnes‘ạkia ‘oris mā se Jihova. ‘E fạu tarạu his ne ofiofu, Noa, ‘Eprahama, Sera, Mosese, Tevita ma iris ne tore   tạunȧ‘ se “kạuạg uetnes ” te‘. (Hiperiu 11:4–12:1) La fak ma se le‘et ‘on la uetnes ‘e fạ‘ ‘on iạ ne kat sar ra ‘e rī a‘leleag ta, ‘ạmis a‘vȧh ‘e ‘otomis huga la fäeag‘ạkia aier ta ne mou se ‘otomis ‘Ạitu.

‘Ạmis rakoa Jisu. Puk Ha‘a he‘ iạ “uetnes huạg aier ta.” (Kel‘ȧk tē 3:14) Jisu ‘ea ne iạ ‘rak‘ȧk vạhia as ‘on ‘Ạitu’ ma iạ ‘uetnes‘ạkia aier ta’ ‘e rēko ‘Ạitu. (Jone 17:26; 18:37) Lelea‘ ea‘ aier ‘on Karisto kop la tȧr ma foar‘ia as ‘on  Jihova. Ta‘ag tēet ne iris Uetnes ‘on Jihova nā vahiạ la a‘sokoa.

• Ka pō ‘e tese ta Lelea‘ Rak Puk Ha‘a a‘mou e as ta,Uetnes ‘on Jihova?

• Ka tapen roa ne avat ne Jihova ma ‘on uetnes ‘e rȧn te‘?

• Ka sei ta Uetnes ti‘ pạut ‘on Jihova?