Көп адамлар Ехованың Шаятлары тәзе бир диниң адыдыр өйдйәрлер. Эмма еке-тәк хак Худайың гуллукчыларына 2700 йыл мундан өң хем Онуң «шаятлары» дийилйәрди (Ишая 43:10—12). Биз 1931-нҗи йыла ченли «Мукаддес Язгылары өвренйәнлер» хөкмүнде таналярдык. Онда биз нәме үчин Ехованың Шаятлары диен ады алдык?

Бу Худайымызың кимдигини айдың гөркезйәр. Гадымы голязмалара гөрә, Алланың ады Ехова. Мукаддес Язгыларда бу ада мүңлерче сапар душ гелсе боляр. Эмма кәбир терҗимелерде бу адың ерине Реб я-да Худай диен титуллар уланылыпдыр. Йөне Давут патыша хак Худайың ады барада шейле дийди: «Эй Ехова, Реббимиз! Бүтин ер йүзүнде Сениң адың нәхили дабаралы! Сен шөхратыңы гөклериң үстүне яздың» (Зебур 8:1). Шейлеликде, биз Ехованың өзүни ялан таңрылардан тапавутландырандыгыны гөрйәрис. Биз Худайың мукаддес адыны буйсанч билен гөтерйәрис.

Бу бизиң нәме билен мешгулланяндыгымызы гөркезйәр. Хабыл ве башга-да энчеме адамлар Ехова Худая иман эдйәндиклерине гүвә гечдилер. Мүңлерче йылың довамында Нух, Ыбрайым, Сара, Муса, Давут ялы Худая вепалы эркекдир аяллар улы шаятлар булудының топарына дегишли болдулар (Еврейлер 11:4—12:1). Казыетде шаядың бигүнә адамы горайшы ялы, биз хем Худайымыз барадакы хакыката шаятлык этмәге тагалла эдйәрис.

Биз Исаның гөрелдесине эерйәрис. Мукаддес Язгыларда Иса догручыл, чын шаят дийилйәр (Ылхам 3:14). Ол адамлара «Худайың адыны билдирйәрди» ве «хакыката гүвәлик» эдйәрди (Яхя 17:26; 18:37). Шол себәпли Месихиң шәгиртлери хем Ехованың адыны гөтерип, оны башгалара гүррүң бермели. Биз хем шейле этмәге җан эдйәрис.

• Мукаддес Язгылары өвренйәнлер нәме үчин Ехованың Шаятлары диен ады алдылар?

• Ехова барада хачандан бәри шаятлык эдилйәр?

• Ехованың бейик Шаяды ким?