Lesen 2
Bilong Wanem Mipela i Kisim Nem Ol Witnes Bilong Jehova?
Planti man i ting dispela nem ol Witnes Bilong Jehova, em i nem bilong wanpela nupela lotu. Tasol winim 2,700 yia i go pinis, Baibel i kolim ol wokman bilong God tru olsem ol “witnes” bilong em. (Aisaia 43:
Dispela nem i kamapim klia God bilong mipela. Ol olpela rait i kamapim olsem nem bilong God, em Jehova, i stap planti tausen taim long Baibel. Long planti Baibel, ol man i rausim dispela nem na ol i putim ol biknem, olsem Bikpela o God. Tasol God tru i tokim Moses olsem nem bilong em, em Jehova, o Yahweh olsem sampela Baibel i tok, na em i tok: “Em i nem bilong mi oltaim oltaim.” (Kisim Bek 3:
Dispela nem i kamapim klia wok bilong mipela. Kirap long taim bilong stretpela man Abel na i kam, planti manmeri i bin tokaut long bilip bilong ol long Jehova. Insait long planti handret yia, Noa, Abraham, Sera, Moses, Devit, na ol narapela i bung wantaim dispela “bikpela lain manmeri ol i olsem bikpela klaut.” (Hibru 11:4–12:
Mipela i bihainim pasin bilong Jisas. Baibel i tok, Jisas em i “man [bilong] holimpas wok bilong autim tok na mekim tok tru tasol.” (Revelesen 3:14) Jisas yet i tok em i bin ‘kamapim nem bilong God’ na “tokaut long tok i tru” na helpim ol man long kisim stretpela save long God. (Jon 17:6; 18:37) Olsem na ol disaipel tru bilong Krais i mas holim nem bilong Jehova na tokaut long en. Em samting mipela ol Witnes Bilong Jehova i wok strong long mekim.
-
Bilong wanem ol Sumatin Bilong Baibel i kisim nem ol Witnes Bilong Jehova?
-
Kirap long wanem taim Jehova i gat ol witnes bilong em long graun?
-
Husat em i nambawan gutpela Witnes Bilong Jehova?