Baabo a gee mɔ kelɛ ye Kɛlɛi aa ga nɔɔ, pɛzɔ̃ɔ-mia nɛzɛɛ oo lo goo Kɛlɛi la mia ni lɛ o kɛ lie zeea ba to waa wɔ̃ wanazɛ lɛ e Baabo yia kpɛnɛ. (Apɔsɔlɔ 20:29, 30) Ye a luo e ɓɔ nɔɔ, wɔ̃ nia e kɛ nɔ kili. O pɛ ni lɛ Zizɛ a zɔ̃ɔɔ ɓoo gbaa wa gbini kɛɛwɛlɛ lɛɛ mɔɔ yɛlɛtaa ka. Ye e kɛ kilia, mia o o die si Kɛlɛi la toapiemia lɛ o wa mɔũ a kaa, gã e gbɛ̃ gbaa tãã. (2 Temɔte 4:3, 4) Zi kpɛɛ lɛ ko bɛi a yi dɔɔa pɛnɛɛ kelɛ pɛ lɛ Baabo a zɔ̃ɔ̃ kpokpo ɓoa koo a yi ma kpeĩ le?

Luo e ɓɔ gbaa kɛɛ Zihova e lɛɛ ɓo wanawɔ̃ɔ la. A gee mɔ kelɛ ‘luo leĩto luo kaa, wanawɔ̃ dɔɔɔ lɛɛ lo saa lɛ seĩ mɔ.’ (Danya 12:4, NW) Kɛɛ 1870 (waa doo wũ salaka la vũ salapeelɛ) yia, mia kpo ɓeĩ o kɛ wanawɔ̃ naapia. Wa yidɔ gbaa kelɛ pɛ ni lɛ o zɔ̃ɔ̃ Wala ka bunuzɛ wia oó go Baabo yi. A mɔɔ wɔ̃ mɔɔ, o gbɛ̃ gbaa waa o nyiɛ kpɔ wɔ̃ die lɛ Baabo a zɔ̃ɔ̃ɔ ka kɛ o a yi kpokpo ma. A kɛɛ yia, Zihova e lua kpɔ o mɔ o Baaboa yima.

Mia zopie puluzɛ o Baaboa mɛdã fɛfɛ le. Baabo mɛdã-mia o kɛ mɔɔ, o to Baabo mɛdã kɔ nɔ ko kɛ pɛnɛɛ pie. O kɛ Baaboa yi wɔ̃ geepia e wũlawe ka doo doo le. Ye waa ɓɔ Baaboa lɛ do mɔ lɛ a yi maa lɛ gagaa, oo a lonipiaa do naa kɛ a yi ɓo a yi ma zipie. Ye waa ɓɔ a wũ lɛ è wee wɔ̃ Baaboa lɛ seĩ e weea mɔɔ mɔɔ, oo a bɛ̃ɛ̃ tãã. Lɛ o kɛ a topia Baabo aa e die yiɓoa, o Lɛɛ ɓo Zeĩ wanawɔ̃ lɛ a gbɛ̃ɛ̃ lɛ Wala tɔ wa la Tomialaa mɔɔ la. E daá wɔ̃ a ya e ge mia gbunu wa kpoula wɛ̃ĩ, ɛ̃ɛ̃ pɛ è kɛ ye mi aa gaa wa wɛlɛ ga kɛlɛ wɔ̃ ni ba. Wa wɔ̃ yi naa kɔ e kilia, e o la nɛ wɔ̃ wa mia yiikɔ bunuzɛ kɛlɛ.—Zɔ̃ɔ̃ 8:31, 32.

Kɛɛ 1879 (waa doo wũ salaka la vũ salapeelɛ wɛlɛ sɛlɛisɛ) yia Baabo mɛdã-miaa o a yima kelɛ aa kɛ gbaa luo ka kɛɛ o wanawɔ̃ɔ dɔ kpoula lɛ seĩ mɔ. Wa mɔɔ gbɛ̃ ɓo waa kii lɛɛ be ye o si The Watchtower Announcing Jehovah’s Kingdom. kɛ kɛɛ e kilia yi. Kii e kea ko tĩa kɛpia pɛnɛɛ. Ko gbaa wanawɔ̃ lɛ e Baabo yia zɔ̃ɔ̃pia mia lɛɛ sɛlɛ 240 (wũ peelɛ la vũ yiisɛ) yi we ni lɛ o diee lɛ 750 (wũ salapeelɛ la vũ sɔɔli) yia yi. Wana wɔ̃ dɔɔ lɛɛ́ saasaa ɓo do ke!

• Lɛ Kɛlɛi e gaa, mɛ e kɛ wana wɔ̃ lɛ e Baabo yia ka?

• Mɛ aa gbũ ko mɔ kɛ ko lɛɛ ɓo wana wɔ̃ lɛ e Wala Lewe yia la?