Le Bibliaoʼ u yaʼalmeʼ, ken kíimik Jesuseʼ, ichil le yáax cristianoʼoboʼ yaan u jóokʼol máakoʼob ken u kʼaskúuntoʼob le u jaajil kaʼansaj ku taal tiʼ le Bibliaoʼ (Baʼaxoʼob 20:29, 30). Ka máan kʼiineʼ jach letiʼe baʼax úuchoʼ. Yanchaj máaxoʼob tu xaʼakʼbesoʼob u kaʼansajoʼob Jesús yéetel u tuukul chéen máakoʼob; bey túun úuchik u yantal le maʼ jaajil kaʼansajoʼ (2 Timoteo 4:3, 4). Yoʼolal lelaʼ, ¿baʼaxten k-aʼalik jach maʼalob bix táan k-naʼatik le baʼax jach tu jaajil ku kaʼansik le Bibliaoʼ?

Kʼuch u kʼiinil u tsʼaʼabal ojéeltbil u jaajil tumen Jéeoba. Dioseʼ u yaʼalmeʼ, ken náatsʼak u kʼiinil le xuʼulsajiloʼ le ‹kʼaj óolaloʼ bíin yaʼabchajak› (Daniel 12:4). Tu jaʼabil 1870, u chan múuchʼ máakoʼob táan u kaxtikoʼob le u jaajiloʼ, tu yiloʼobeʼ yaʼab tiʼ le baʼaxoʼob ku kaʼansik le iglesiaʼoboʼ maʼ bey jeʼex u yaʼalik le Bibliaoʼ. Lelaʼ le péeksoʼob u xakʼaltoʼob baʼax jach tu jaajil ku kaʼansik le Bibliaoʼ, yéetel áantaʼab u naʼatoʼob tumen Jéeoba.

U múuchʼ máakoʼob jach u yaabiltmoʼob Dioseʼ, tu xakʼaltoʼob jach baʼax ku kaʼansik le Bibliaoʼ. Toʼoneʼ k-xakʼaltik le Biblia jeʼex úuchik u beetik le yáax j-Xoknáaloʼob tiʼ le Bibliaoʼ. Utiaʼal u naʼatkoʼob baʼax jach tu jaajil ku kaʼansik le Bibliaoʼ, ku xakʼaltikoʼob tubeel kaʼach junpʼéel tema, tsʼoʼoleʼ ku máanoʼob tiʼ uláakʼ. Wa ku kʼuchloʼob tiʼ junpʼéel teksto talam u naʼatkoʼobeʼ ku kaxtikoʼob uláakʼ tekstoʼob tsolik le baʼax maʼ tu naʼatoʼoboʼ. Le ken u yiloʼob tsʼoʼok u naʼatkoʼob tubeeleʼ, ku tsʼíibtikoʼob. Úuchik u beetkoʼob beyoʼ, tu kaʼa kaxtoʼob le u jaajil yaan yil yéetel u kʼaabaʼ Dios, u Reino, le baʼax u tukultmaj u beetik yoʼolal máakoʼ, yoʼolal le Luʼumaʼ, bey xan yoʼolal le bix yanik le kimenoʼoboʼ yéetel le u kaʼa kuxkíintaʼaloʼoboʼ. Úuchik u xakʼaltikoʼob le Bibliaoʼ, béeychaj u pʼatkoʼob le maʼ jaajil kaʼansajoʼ bey xan le baʼaloʼob maʼ maʼalobtak suuk u beetik le máakoʼoboʼ (Juan 8:31, 32).

Óoliʼ tu jaʼabil 1879, le j-Xoknáaloʼob tiʼ le Bibliaoʼ tu naʼatoʼob tsʼoʼok u kʼuchul u kʼiinil u kʼaʼaytaʼal u jaajil tiʼ tuláakal le máakoʼoboʼ. Láayliʼ teʼ jaʼab jeʼeloʼ, káaj u jóoʼskoʼob le revista kʼaj óolaʼan bejlaʼa bey U Pʼíich Tulumil Kanan. Táan u kʼaʼaytik u Reino Jéeoba. Bejlaʼeʼ táan k-kʼaʼaytik baʼax jach tu jaajil ku kaʼansik le Biblia ich doscientos cuarenta luʼumiloʼob yéetel ich maas tiʼ setecientos cincuenta idiomaʼob. ¡Mix juntéen kʼaʼaytaʼak tuláakal tuʼux le u jaajil ku kaʼansik le Bibliaoʼ!

• Ka tsʼoʼok u kíimil Cristoeʼ, ¿baʼax úuch yéetel le u jaajil ku kaʼansik le Bibliaoʼ?

• ¿Bix úuchik k-kaxtik le u jaajil ku kaʼansik u Tʼaan Diosoʼ?