Ne medou mgouʼ pye wim, thé bing gap tchitchi mtoute Bible. Daʼge pye yô ge a ke bo tcheng mouʼ toute se ne ne kwite bawele ne “jye nwe nyenyô” paʼ Si bo tcheng a. (1 Timotio 2:3, 4) A be poʼo te a le pe ne gouʼ 1950 pye toʼ ne té she mjeng ne Traduction du monde nouveau ne grisi. A be pou le nyenyô ne bve Bible bô kwaʼ paʼ a tcheng a, pou a ghôm be a hwi ne youʼ, ne mghôm gwè a 160 te thwôk.

Taʼ Bible be a hwi ne youʼ. Paʼ mghôm tchwe kwyepgne a, boʼgwye ne m Bible be pou toute be a ghe she mghôm mye pou te gyèʼ jye a pe, pou le pe kwiʼ gwim, be a neng tchuô téʼ ne youʼ. Pou neng djô she mbvo mŋaʼgne Bible mye pou le le mbou ne bve a, be ywe ye pou ve tchum o a naʼ bo hwe teʼ mye dendze, a ghe ge pou ping tchente djouʼ Ébraika, Araméen ba Grikya, mghôm Bible.

Taʼ Bible be pou toute a pe dendeng ne khuô Si. Ne tcheng ge a pe dendeng, pe toute Bible late bo gô ghe ywe ye wap khoung a ne mdendze mŋwaʼgne mye kwaʼ jwégne Si ne le ghe te pou ve a. Daʼge boʼgwye mtoute mnye ŋwaʼgne dôlô te gwim tso Si, Jéova pe.

Taʼ Bible be ning mkouʼ ne Si. (2 Samuel 23:2) Traduction du monde nouveau gwim tso Si gwè a mtchum 7 000 ne mtsuʼ mye a le be ne tchum mdendze mbvo mŋwaʼgne Bible mye pou le le mbou ne bve a, paʼ ye a ne foto yeng ye pe bo djô sisi a. (Psaume 83:18) Ne paʼ a be pou yap tam te ne tchente thoute ya a, Bible bô daʼte kwègne Si kwaʼ pepoung, pou neng be de ŋwègne khé. Ke o ghe ke o ka ghe Bible bô ne ghôm tsou a le, pye bo seso o ge o ghe ma ne pe khé ghôm Jéova goung mtyèʼ wè.​—Josué 1:8; Psaume 1:2, 3.

• Nweke a le bo tcheng taʼ toute se ne Bible?

• Ya tchi ma kwite ne ne jye ywe ye Si bo tcheng a?