JOKWA 4
Ońola nje di busise̱no̱ Traduction du monde nouveau e?
Congo (Kinshasa)
Rwanda
Epas’a betukwedi ba Symmachus yena e be̱n dina la Loba o kalat’a Myenge 69:31, ńo̱ṅo̱n ilalo to̱ ine̱i oboso ba pond’asu
Etum a mimbu Mboṅ a Yehova i bolane̱, i busise̱, i bola pe̱ bato jita la betukwedi ba Bibe̱l. Kana Loba a mapulano̱ ná moto te̱ a be̱ne̱ ‘so̱ṅtane̱ la mbale̱’ di te̱nge̱n, je̱n mweńa mwa tukwa Bibe̱l bupisane̱ jemea lao. (1 Timoteo 2:3, 4) Di botedi busise̱ Bibe̱l Traduction du Monde Nouveau o mbu ma 1950. Ni Bibe̱l e te̱nge̱n, e be̱ pe̱ mbale̱. E tilabe̱ o buka na 160 leme̱.
E ta e pula Bibe̱l ni titi ndutu o so̱ṅtane̱. Leme̱ lo matukwa na ponda. Nikame̱ne̱ pe̱ nde Bibe̱l iwo̱ i be̱nno̱ byala be tombi ponda be pe̱ ndutu o so̱ṅtane̱. O bati pe̱te̱ ná, Bibe̱l ya boso i te̱nge̱n ye pe̱ mbale̱ i so̱be̱, yongwane̱ o kusa so̱ṅtane̱ la bwam la betiledi ba Bibe̱l o bwambo ba Bonahebe̱r, Siria, na Grikia.
E ta e pula betukwedi be matimbise̱le̱ Eyal’a Loba ná te̱ite̱i. O mulopo ma no̱ngo̱ mboṅ a wengisane̱ jo̱nge̱le̱ la Eyal’a Loba, batukwedi ba Bibe̱l bangame̱ne̱ be̱ jemea n’Eyal’a Loba. O jita la betukwedi ba Bibe̱l, dina la Loba, Yehova, di si maso̱be̱ oten.
E ta e pula Bibe̱l ni mabwe̱le̱ Loba. (2 Samuel 23:2) O Traduction du Monde Nouveau di timbise̱le̱ dina la Yehova be̱be̱ na 7 000 la ngedi kana Bibe̱l ya boso. Ombwa eyembilan a duta le owase wan. (Myenge 83:19) Ni Bibe̱l e do̱li o langa, e mabusise̱ pe̱ ná te̱ite̱i jo̱nge̱le̱ la Loba ońolana di no̱ngi ponda o tukwa mo̱. To̱ o si be̱n nde Traduction du Monde Nouveau o eyem’ango̱, son ko̱lo̱ngo̱ne̱ o langa Eyal’a Yehova buńa te̱.—Yosua 1:8; Myenge 1:2, 3.
-
Ońola nje e tano̱ e pula betukwedi ba Bibe̱l ba peńa e?
-
Ná o bie jemea la Loba, nje wangame̱ne̱no̱ o bola buńa te̱ e?
