AḤRIC 4
Ayɣer i d-nessufeɣ Ṭrejma n ddunit tajdiṭ?
Kungu (Kincaṣa)
Ṛwanda
Isem n Ṛebbi deg Uhellil 69:31, ṭrejma n Simmakus (Lqern wis 3 neɣ wis 4 mbeεd Σisa).
Acḥal d aseggas, nekni neṭṭabaε-ed xilla n ṭrejmat n Wedlis Iqedsen, nessexdem-itent yerna nefreq-itent. Mbeεd, nufa belli neḥwaǧ a d-nessufeɣ ṭrejma tajdiṭ bac a nεiwen imdanen meṛṛa “ad issinen tideţ akken i glaq”, akken i gebɣa Ṛebbi. (1 Timutawus 2:3, 4) Daymi, di 1950, tebda tţeffeɣ-ed d iḥricen Ṭrejma n ddunit tajdiṭ s teglizit. Adlis-agi Iqedsen iţwaṭerjem-ed ɣer wakteṛ n 130 n lluɣat yerna s imeslayen i ssexdamen lεibad ass-a; iṣeḥḥa yerna icudd swaswa ɣer wayen i guran di tektabin timezwura.
Ṭrejma isehlen i lefhama. Tutlayin ţbeddilent dima; ɣef wayagi i neţţaf deg waṭas n ṭrejmat n Wedlis Iqedsen imeslayen iweεṛen i lefhama axaṭer ur ţwassnen ara mliḥ neɣ yeǧǧa-ten zzman. Di tama nniḍen, imi i d-ufan iţafţaren iqdimen, iṣeḥḥan yerna yeţţemcabin akteṛ ɣer imezwura, ass-a ţwafehment axiṛ tutlayin swayes yeţwakteb Wedlis Iqedsen, yeεni taεibṛanit, taramit akk-d tegrikit.
Ṭrejma iṣeḥḥan, iεedlen akk-d lexbaṛ i d-iweḥḥa Ṛebbi. Bac ad yeqqim Wedlis Iqedsen icudd swaswa ɣer wayen yuran di tektabin timezwura i d-iweḥḥa Ṛebbi, ur sen-ilaq ara i wid yesṭerjimen ad xeddmen kan akken i sen-iεǧeb. Γas akken, azgen ameqran n ṭrejmat n Tira Iqedsen ur ssexdment ara isem n Ṛebbi, Yahwa.
Adlis Iqedsen yeţţaken ccan i Bab-is. (2 Camwil 23:2) Neţţaf di Ṭrejma n ddunit tajdiṭ isem n Ṛebbi azal n 7 000 iberdan deg imukan-nni ideg yella deg iţafţaren iqdimen n Wedlis Iqedsen, am uţafţar i d-iṣewwren ukessar-a. Ṭrejma-yagi ur d-teffiɣ ara armi εeddan kra iseggasen n usenqed; tesskanay-ed εinani ayen yeţxemmim Ṛebbi, yerna telha i leqraya. Ama tesεiḍ ṭrejma-yagi di lluɣa-k ama ur ţ-tesεiḍ ara, neţweṣṣi-k aţ-ţeqqareḍ yal ass Awal n Yahwa.—Yacuεa 1:8; Ahellil 1:2, 3.
-
Iwacu i tlaq ṭrejma tajdiṭ n Wedlis Iqedsen?
-
Acu i glaq a t-nxeddem akken a nissin lebɣi n Ṛebbi?