Kɛɛ vũ bunuzɛ piea Zihova la Kela vɔ o yɛɓo kɛ Baabo kɛɛzɛ gbɛɛgbɛɛ ka ɛ̃ɛ̃ waa nɔ mia lɛɛ. Kɛɛ kɔa yi dɔ gbaa kelɛ laa mɔ Baabo la niɛzɛ dɛɛ e kɛ ɓe. Kɛ e gbũ kpokpo ɓo mia mɔ “kɛ o kɛ wanawɔ̃ dɔ-mia ka,” wɔ̃ lɛ lɛ Wala lɛɛ sɛ mia seĩ wɛ̃ĩa lɛ. (1 Temɔte 2:3, 4) A mɔɔ wɔ̃ mɔɔ kɛɛ 1950 (waa doo wũ sɛlɛisɛ la vũ sɔɔli) yia, ko gbɛ̃ gbaa kɔaa ko Baabo lɛ a bɛ̃ɛ̃ lɛ we lɛ a yimaa lɛ lɔɔlɔɔɔ yia, nɔ mia lɛɛ e kpo ka kélekele. Baaboa oo si New World Translation. Baabo e kilia, waa la niɛ gbaa to wɔ̃ kpokpo lɛ Wala a geea pie ka we gbɛɛgbɛɛ lɛ o diee lɛ 130 (wũ doo la vũ yaaka) yia yi.

E kɛ sɛ kɛɛ Baabo lɛ a yimaa lɛ lɔɔlɔɔ e kɛ ɓe. We ni lɛ mia o geea mɛ lɛɛ vɔɔ kélekele. A kɛ kili yia, we gee kɔ kpɛnɛɛ zɛ ɛ̃ɛ̃ o ye waa kɛ ziizii lɛ o yi maa lɛ gagaa o kɛ Baabo la niɛzɛɛ bunuzɛ yi. Zeniia, waa lɛɛ ɓo Baabo kii ziizii vɔ lɛ o kɛ Hiibulu wa Awalame, e bɛi, Gili we ni lɛ o Baabo bɛ̃ɛ̃ mɔ o yia yima sɛɛ la.

Laa mɔ Baabo la niɛzɛ lɛ è to Wala Lewe piea e kɛ ɓe. Laa mɔ Baabo la niɛ miaa o to wɔ̃ nɔ a bɛ̃ɛ̃ e kɛa mɔ kiia beĩzɛ yia pie kpeĩ le, yekɛ o o die zo kũ wɔ̃ bɛ̃ɛ̃. Kɛɛ Wala tɔ lɛ e Zihova kaa ye wa Baabo bunuzɛ yi.

Laa mɔ Baabo lɛ e Mi Lɛ A We Laa Yia tɔ ɓɔɔ e kɛ ɓe. (2 Temɔte 3:16) Wala tɔ lɛ e Zihova kaa kpɔɔ lɛ e mɛi New World Translation yi kelɛ 7,000 (waa salapeelɛ) lɛ ɓe lɛ zi nɔ e kɛa Baabo kii ziizii yia lɛ ɓe. A gɔ̃a do gɛ̃ e ke. (Sãã 83:18, NW) Luo lɛ wa si kɛ o Baaboa mɛi naa a ka fɛfɛ lea, aa Baaboa geee kɛ lɔɔlɔɔ mia lɛɛ lɛ zi e Wala zi yɛlɛtaa zɔ̃ɔ̃a e seĩseĩ kaa lɛ ɓe. Baabo lɛ e New World Translation kaa é kɛ bɛ̃ɛ̃ ɛ̃ɛ̃ e gɔ̃ kɛɛ i kɛlɛ i pa we yia, koo naa i fãa e waa kɛɛ i Baaboa geee kũ i zɔ̃ɔ̃ ka luo seĩ ka. —Apɔsɔlɔ 17:11.

• Mɛɛ e kɛ lɛ ko ko yɛlɛtaa kelɛ laa mɔ Baabo la niɛzɛ dɛɛ e ke ɓe?

• Wɔ̃ yie kpɛɛ lɛ laa mɔ mi a naa e Wala yiikɔ dɔɔ a kɛ luo seĩ ka?