Kwa vyaka vinyinji, Mboni za Yehova zenzekatishila ntchito ma Baibolo osiyana-siyana. Enzepanga soti ma Baibolo ayakine noŵafalisa. Koma tewona kuti penzefunika Baibolo yomasuliliwa luweme kuti iyavye ŵanthu “kuziŵa choonadi molondola,” chamene niye chifunilo cha Mulungu ku ŵanthu onse. (1 Timoteyo 2:3, 4) Tetyo, mu 1950 teyamba kufalisa mbali za Baibolo yasu yuitiwa kuti Baibulo la Dziko Latsopano m’chilaŵilo chamakono. Pali pano Baibolo yamene iyi yamasuliliwa mokhulupilika komasoti molondola m’vilaŵilo vopitilila 130.

Penzefunika Baibolo yosavuta kumvwa. Vilaŵilo vuchinja m’kupita kwa nthawe, soti ma Baibolo anyinji onkhala na mawu akale amene ni ovuta kumvwa. Komasoti mipukutu yolondola yakale yamene yusiyana lini ngako na mipukutu yoyambilila ipezeka. Mipukutu yamene iyi yayavya kumvwishisha Chiheberi, Chiaramu na Chigiriki cha m’Baibolo.

Penzefunika Baibolo yamene yufotokoza mawu a Mulungu mokhulupilika. Omasulila Baibolo aliye ufulu wosintha malemba owujiliwa a Mulungu. Ove ofunika kukonkha mokhulupilika velembewa m’mipukutu yoyambilila. Olo n’tetyo, omasulila anyinji Okatishila lini ntchito zina ya Mulungu yakuti Yehova m’Malemba Opatulika.

Penzefunika Baibolo yamene yulemekeza Wolemba wake. (2 Samueli 23:2) M’Baibulo la Dziko Latsopano, ejoshelamosoti zina ya Yehova yamene yenzepezeka m’malo pafupifupi 7.000 m’mipukutu yakale ngako yoyambirira ya Baibolo, molingana na mwachuwoneshela chisanzo chili pansi apa.[2] (Salimo 83:18) Baibolo yamene iyi yumvwika luweme ngako kuŵelenga chifukwa yufotokoza luweme maganizo a Mulungu. Ivi vili tetyo chifukwa chakuti kwa vyaka vinyinji pechitika ntchito ikulu yosakila-sakila maumboni osiyana-siyana. Keno muli na Baibulo la Dziko Latsopano olo muliye, tukulimbikisani kunkhala na chizoloŵezi choŵelenga Mawu a Yehova nsiku iliyonse.​—Yoswa 1:8; Salimo 1:2, 3.

• Ndaŵa yanji tewona kuti penzefunika Baibolo yokonzewa soti?

• Kansi ni chizoloŵezi chotyani chakufunikila kunkhala nacho munthu kuti aphunzile chifunilo cha Mulungu?