Көп йыллардан бәри Ехованың Шаятлары Мукаддес Язгыларың дүрли терҗимелерини уланярдылар, чап эдйәрдилер ве адамлара пайлаярдылар. Эмма вагтың гечмеги билен, биз тәзе терҗимәниң герекдигине дүшүндик. Бу терҗиме адамлара Худайың ислегине долы дүшүнмәге ве «хакыкат билимине» етмәге көмек этмелиди (1 Тимотеос 2:3, 4). Шейлеликде, 1950-нҗи йылда «Тәзе Дүнйә терҗимесиниң» бир бөлеги иңлис дилинде чыкды. Шу гүнлер бу догры ве дүшнүкли терҗимәни 120-ден говрак диллерде окап боляр *.

Дүшүнмеси аңсат болан Мукаддес Язгылар герекди. Вагтың гечмеги билен, диллериң әхлиси өзгерип дуряр. Шол себәпли көп терҗимелерде дүшүнмеси кын ве көнелишен сөзлере душ гелсе боляр. Шейле-де Мукаддес Язгыларың асыл нусгасына лайык гелйән гадымы голязмалар тапылды. Олар гадымы еврей, арамей, грек диллеринде язылан Мукаддес Язгылара дүшүнмәге көмек эдйәр.

Худайың ислегини догры дүшүндирйән терҗиме герекди. Мукаддес Язгылары терҗиме эдйән адамлар өзбашдак херекет этмели дәлдилер. Олар Худайың ылхамы билен язылан Мукаддес Язгыларың асыл нусгасына эерип терҗиме этмелидилер. Гынансак-да, Мукаддес Язгыларың көп терҗимелеринден Худайың мукаддес адыны айырдылар.

Язгыларың Авторыны шөхратландырян терҗиме герекди (2 Шамувел 23:2). Мукаддес Язгыларың гадымы голязмалырында Худайың адына 7 мүң гезек душса боляр. Ехованың ады «Тәзе Дүнйә терҗимесинде» долы дикелдилди (Зебур 8:1, 9; 68:20). Онуң асыл нусгасы ашакдакы суратда гөркезилйәр. Бирнәче йылың довамында гечирилен барлагларың нетиҗесинде, Худайың пикирлерини анык ве айдың дүшүндирйән терҗиме пейда болды. Адамлар бу Мукаддес Язгылары окап леззет алярлар. Гелиң, Мукаддес Язгылары хер гүн окалың! (Ешува 1:8; Зебур 1:2, 3).

• Нәме үчин Мукаддес Язгылар тәзеден терҗиме эдилди?

• Худайы танамак ислейән адамлар нәмәни эндик эдинмели?