LESSON 4
Mpeukè lé fôkô Traduction du monde nouveau mela’akô?
Congo (Kinshasa)
Rwanda
Mè jiô lézeung Ndem a nteu Psaume 69:31, a nteu Biible Version Symmaque yi mè lé sèné anè ngou’ nkhœu tèt kèè lekoua lè, tè mbô Yésso a shi’.
A ghô méngou’ té nzaané yi Ménjheuè-njiô Joovah é ghô fôkô, ngaptè nzeung-è ndôkô mébiible ntsi-ntsi ngôkô. Mpeukè lé ping nang té njiô nguè mpeukè pôngtè a lésènè Biible a léswhi-léswhi ndôk nkuitè awuè-wuè a “lézhè kwa’ anouneu,” mela’mi Ndem a si nkông-ô nguè a ghô poup. (1 Timothée 2:3, 4) Mela’poup tè, mpeukè lé zii anè ngou’ 1950 a léfôk mépak Biible mi mpeukè lé sèné anè ntsi zi é yè éshheu a léjou’; Biible wouô mèt a si ngô Traduction du monde nouveau. Mè lé sènè Biible mèt mé ndeung-ndeung, té ku’nè amô’ azou éwou mbing té amô’ tsuèté; a aya’a ngô anè méshoung-né méla’ té ntôkô 160.
A lé nông nzètè a léwuè Biible yi a yè éshheu a léjou’. Njheu é nông ntôkô a, méshoung-né méla’ é zeung nkoumnè zôp, a ping ngheu tè émô’ mékeum Biible mi mè lé la’ sèné é tchi’è nteuè a léjou’. Lé zeung njiô mézwing mékèté Biible émi éfœu’ mvhô mi mè lé lôk mbou té ntii, a lé kuité a léku’né njou’ méshoung-né méla’ Hébro, Aramaïk mbô Grèk mi mè lé lôk ntii Biible.
A lé nông nzètè a lésènè ashoung-né Ndem mé ndeung-ndeung. Wô sènè Biible é lè té pôngtè wôp a lésènè ashoung-né Ndem pa’ pô kông-ô, pô lé pôngtè wôp a lésèné tè mékwangté é lèè nzeung ngô pa’ é lè anè mézwing mékèté Biible émi éfœu’ mvhô, ngô poup. A ké ngô a nteu lélœuè émô’ mébiible, lézeung Ndem tsi é lè Joovah, é ghô té éwou.
A lé nông nzètè a Biible yi a yè kwa’ awou’té a mbou Ndem. (2 Samuel 23:2) A nteu Traduction du monde nouveau, mè jiô lézeung Ndem tsi é lè Joovah tsôô ngueô 7 000 pa’ é lè poup a nteu mézwing mékèté Biible émi éfœu’ mvhô mi mè lé lôk mbou té ntii, pa’ mè si njiô poup anè fitou yi anè atseung-è apap jiô la. (Psaume 83:18) Mè lé ghôk méngou’ té nzaané té ngwuè Biible wouô mèt; a si ngô akèté zi mè tông mé lékak, a ping nkè’tè akwangtè Ndem mbông-ô. A ghô mô’ o wuè a Traduction du monde nouveau anè ashoung-nè ala’ jou, mbing ngô té poup-ô, mbô mpeukè si seumtè wou a létông-ô ashoung-nè Joovah élé’é tseum.—Josué 1:8; Psaume 1:2, 3.
-
Mpeukè lé kia weuk a lésènè Biible léswhi-léswhi mela’akô?
-
Awuè-wuè a pôngtè léghô élé’é tseum ngaa té nzhè ajoumi Ndem a si nkông-ô?
