Ba m be yé pye gô tcheng yôk jye tchum taʼ vo ke ba tchwe ye tam dzu pôk a le, pye de khète ne pe gô ne mtchouʼte môk te yaʼ. Mnwe yeng dzu ba ne pwa tchwe ye pye ywôk faʼ a te khô ge pye pe pou a pyeshe Mkwithè Jéova pe. Paʼ pye gre poʼo a, a ha ke bi pye?

A gre mo youʼ ne é pepoung. Gè them Polo le ve bi mkritè tchum bemte ge: “Pe ke ti tchetche pe”, be ne gôm ge wap lagne ne pe jyegne wap wap. (Ébraika 10:24) É tchye m ne ghôm bô ne ha kaktuô bi pe ne pe tchôm pyeshe pô. Tchwe ye pye dagne ne jye pyeshe mkritè tchum bemte a, pye djô ge a be wap le ghe kaktuô ne doʼ mnwe mye a sôʼ ba ne pye a. A pe poʼo be wap fing ne kwite wôk ne ghe paʼ wap a.

A kwite ne ghe mso tchyô. Ne mtchouʼte môk, pye te be daʼ pou a pô pye pye jye wap a pe, pye be pou a mso pôk. Ne she mtchwe, pye bemte de tam pou a mfe pôk. Yeng tchi ne pe pou a pô ha ke? Pye dagne ne ning deng ne pyeshe pô bing ha kaktuô tchetche pye, a ne kwiʼ koungne yôk. A tchye m poʼo, tchwe ye nwe ne taʼ mo ne pye a, pye le pountum kwite é, dou ne koungne tchyô ye a be pye ghe a. (Proverbes 17:17) Tchwe ye pye djap tam ne be pou a mfe tchum yôk bemte a, pye daʼte ge pye “shôm dzegne.”​—1 Korinto 12:25, 26.

Pye we do bou ge o ne tchi mou mso a pe pô pye wap gre ywe ye Si tcheng a. O gô yô tchi mso bô tchetche Mkwithè Jéova. Seso, ke tak ge sômywe kô paʼ o gô pe pou a wôk a.

• Nweke a pe kwaʼ ne yôk pé ne pe bemte djouʼte ne mtchouʼte môk?

• A we boung o ne sôʼ dagne ne jye bemte yôk tchweke?