Mveñ, vian, ôyabe zen . . . teke jôm éziñ y’été é ne bo na bi bu’u bisulan. Akusa bo minju’u ya éyiñ, a na bisaé bia te’e nyul, amu jé Bengaa be Yéhôva ba ve ngule jap ése na ba jome bobenyañ bap?

Nalé a volô na ényiñe jangan é bo mvaé. Paul a nga jô bobenyañe bé na “môt ase a simesa’ane nyô mbok.” (Behébreu 10:24) Nalé a tinane na bia yiane tu’a yeme bobejañ, minju’u miap a aval avé be nga dañe mie. Ñyeman ôte ô ne volô bia nge bia fe bia tebe aval été te.

Nalé a so bia mbamba memvôé. Bi ne nda bôte ja nye’esan. Bia tôbane ke ve bisulan. Bi bili fe biyoñe mevak. Aval mewoso te da soo bia jé? Ma late minkañe zañe jangan. Jôme te ja bo na, nge môte wua ya be bia a bili njuk, bia volô nye a nlem ôse amu bi ntoo jôme jia. (Minkana 17:17) Éyoñe bia jome bobejañe ya akônda, bia liti na bi ne bibu’a ya nyul, ébu’a “jia é ba’ale ji évok.”​—1 Becorinthien 12:25, 26.

Tobe bemvôé zañe bôte ba bo nkômbane Zambe. Ô ne yen aval bemvôé bete ékôane Bengaa be Yéhôva. Te kañese na môt éziñ a kamane wo na ô yeñ a bia.

• Mfi ôvé bia nyoñe nge bia yeñ a Bengaa bevok?

• W’aye zu tabe ésulan a bia éyoñ évé?