Hay si men rewey e buruure maa men yaltay e ley ndiyan, kono men yahay ka pottital amen saa’iji ɗin fow fii rewugol Allah. Tampere maa ronkere haɗataa men jokkondirde e ɗimmooɓe amen ɓen. Fii honɗun Seedeeɓe Yahuwah ɓen waɗanta ɗun ?

No wondani men e aafiya. Sahaabaajo goo inneteeɗo Puulusa wi’i moftal ngal “ miijondiranen ” fii no jokkiren enɗan (Yahuudiyankeeɓe 10:24). Kan haala Puulusa wallay fow miijitagol moƴƴa fii no yurmondiren. Si en etike anndugol wonuɓe ɓen ka moftal, en annday woɓɓe e maɓɓe no yonndini. En annday honno ɓe feƴƴiniri piiji buy wano ko woni e feƴƴude hoore men. Ɓe waaway en wallude enen kadi no feƴƴiniren saa’i men on.

En wonay njaatigiiɓe kelɗuɓe. Ka pottital amen, men mooɓondirtaa tun e yimɓe ɓe men anndi, kono meɗen mooɓondira e woɓɓe goo kadi. E saa’iji goo, men tummbondiray fii fijugol seeɗa. Ko honno ɗun nafirta men ? Ɗun wallay men fii no men yiɗindira e fii no giggol amen ngol ɲiiɓira. Si tawii goɗɗo e amen no wondi e annde, men wallay mo ɓayri meɗen yiɗindiri (Tindi 17:17, TMN). Jokkondirgol e ɓee ka moftal, ɗun no holli mo kala no dankii ɗimmo mun e meɗen “ nafindir ”. — 1 Korenti 12:25, 26.

Meɗen rerɗini on suɓagol njaatigiiɓe waɗooɓe faale Allah on. On heɓay sifa ɓen njaatigiiɓe hakkunde Seedeeɓe Yahuwah ɓen. Wota on accu hay huunde haɗa on wonugol njaatigiiɓe amen.

• Ko honɗun e nafa heɓotoo ka mooɓondiral amen ?

• Honnde tuma faalaɗon anndude moftal amen ngal ?