Matüjüinsalii makataa suulia tü outkajawaakat na aküjüliikana pütchi, jaʼitainna juyapoʼulajanain jee waraittüinjanain naya wunaʼainküinpünaa. Mayaainjeʼe sülatüin kasa mojusü namüin na aküjüliikana pütchi jee mapüsain naya, nachajaain sukuwaʼipa süpüla noutkajaainjanain namaa na nawalayuukana. ¿Jamüsü naainjaka tia?

Anasü wakuwaʼipa. Müshi Pablo wanaa sümaa naashajaain süchiki tü outkajawaakat: «Anakaja müleka wakaaliijiraale wapüshua» (Hebreokana 10:24). Shia naashajaaka achiki Pablo weʼraajiraainjanain namaa na wawalayuukana. Müle shia watuma, watüjaajeerü aaʼu sülatapuʼuin namüin tü alatakat wamüin otta nakaaliinjeena waya.

Kaʼaleewainshii waya. Woutkajaapa, jutkatüshii waya namaa na waʼaleewainkana. Eeshii jutkatiraale waya namaa süpüla ashaittaa. ¿Jamüsü wakuwaʼipa sutuma tia? Kojutüjiraashii otta aijiraashii maʼin waya. Sülatüle kasa mojusü namüin na wawalayuukana, wakaaliinjamaatüin naya süka aijiraain waya (Proverbios 17:17). Waashajaale namaa napüshuaʼa na wawalayuukana, weeʼiyatüin «aijiraain waya wapüla wapüshua» (1 Corinto 12:25, 26).

Naya anaka süpüla paʼaleewain na wayuu aainjakana tü nüchekakat Maleiwa. Wayuukana naainnua, naya na aküjüliikana pütchi nüchiki Jeʼwaa. Puutkajaa namaa waneepia.

• ¿Jamüshii woutkajaainjanaka?

• ¿Joujaleechi puutkajaaka wamaa?