ZASEŊƆ 6
Bem Nyuurɔ Ti To Wan Nyɛ To San Laɣena La To Mabiisi Sɔsera?
Hali la san puɣum dɛna ti to doli la goo poan bii wuntɛɛŋa la ɔɔrɔ n boi, to ni kelum kena Krista zamesegɔ mɛ saŋa woo. Hali dabeserɛ la poan yeledaaŋɔ bii to ni tarigɛ to tuuma poan se’em la, beni n sɔi ti Yehowa Sɛɛradoma kelum kɔ’ɔn tiregera ka basera laɣeŋɔ pooren la ba mabiisi?
La ani soŋa mɛ bo to. “Bahɛ ya te to tɛnra taaba yele,” Paul yuun tɔɣeri la to ni naɛ taaba bɔna tansugere poan se’em la. (Hebru 10:
La basɛ ti to lɛna la taaba dɛna zɔtɔ. To zamesegɔ poan to ni naɛ mɛ la to zɔdoma. Saŋa busebo, to ni nyɛ nɛŋa mɛ laɣum naɛ taaba dɛ’ɛna ge dita la pupeelum. To ni laɣum naɛ taaba se’em la tari la bem nyuurɔ? To ni pɛɣera taaba mɛ ge kpemesa taaba giila nɔŋerɛ sore poan. Bala la, yɛla san paara to tadaandoma, to ni soŋɛ ba mɛ la to puɣum dɛna zɔtɔ la zuo. (Magaha 17:
To wan bɔta ti ho nyɔɣɛ sɛba n tuni Naayinɛ puti’irɛ n boti sɛla la zɔtɔ. Ho wan nyɛ zɔtɔ bana taaba la Yehowa Sɛɛradoma poan. Soso, da basɛ ti sɛla gu ho la hon boti ho laɣum bɔna la to la.
-
Beni n sɔi ti la dɛna nyuurɔ bo to ti to laɣesa taaba zamesegɔ zɛ’an?
-
Ho wan bɔta ti ho baŋɛ to tansugere zamesegɔ la n ani se’em?