Ti caa ti taana po yogunu kuli, baa li yaa tie tiladi tin cuoni a fuana nni bi i taaga nni. Beepo ke ti moandi taagi leni Jeova Siedinba baa ti yaa pia a paka bi ti yaa coagi?

Ti baadi mi yanduanma. Polo den yedi kilisiti niba ke “tin yaa tiani mani tiyaba po”. (Hebilunba 10:24) O den bua yedi ke tin bandi ti lieba n tie yaaba, ki waani-​ba ke bi paka tie ti paka. Ti yaa maani ki boe leni ti dandanlieba ti baa la, ke bi paka tianma tie nani ti paka. Lani kuli puuni-​ti li papaali.

Ti baadi o danligu moamoani-​moamoani. Ti taana po ti naa taagi leni ti bankaaba bebe kaba, ti taagi leni ti danlinba moamoani. O yogunu tiama ti yen taani leni ti yaba ki jeli ku jeligu. Li puuni-​ti bee ñoadi? Li pugindi tinba leni ti lieba buama, li po cedi ke ti bua ti yaba kaanu. Lanwani ti dandanlielo yaa pia a paka ti todi-​o kelima o tie ti danlimoano. (Mi Kpanjama 18:24) Ti yaa taagi leni ti lieba, ti wangi ke ti ŋanbi kubi ti yaba.​​—⁠Korenti Yaaba Tikpiali 12:⁠25, 26.

Lingi-​mani yi danlinba yaaba n tiendi U Tienu yanbuama yeni siiga. Li tie Jeova Siedinba siiga ke yi baa le laa danligu buolu. Yin da ŋan bonli ba kuli n jidi yi cuama Jeova Siedinba taana po.

• Beepo ke tin taagi leni tiyaba ti taana po puuni-​ti ti ñoadi?

• Bee daali ke yi baa cua ti taana po, ki bandi lani tie maanma?