Wën mëyer torich een tsuune walt keen orer een xlëchte wëter mit mache mise, tuun mëyer nët in te kristliche fersamlunge feele. Aach wën mëyer xlime tinge mit mache mise, orer weeche unser aarwayt miit sin, tuun mëyer uns toch noch aan xtrënge fer pay unser klaapes priiter se sin. Warom?

Tas is kuut fer uns. Wii Phaul iwer ti froyntxaft tswixich te mitkliiter fon te kemaynt kexproch hot, hot ëyer kesaat tas mëyer ‘eene aan te anere tënke sole’. (Hebreus 10:24). Tas tsaycht tas mëyer unser priiter pëser khëne mise un tuut uns aach aan muute fer uns mit te anere se khimere. Wën mëyer anere kristliche familye khëne, siin mer tas ëtliche fon tëne ti sëlwiche xwirichkheete wii mëyer hon un wise wii se too temit umkeen khan uns hëlfe.

Tas pringt kuute froyntxafte. In unsere fersamlunge sin mëyer nët plos mit pekhante layt pay samer, awer, mit kuute froynte. In anere keleechenheete, tuun mëyer uns mitsamer ferkniiche. Wii khan tiise umkang kuut fer uns sin? Mëyer lërne eene te anere mee wëyert se këpe un tas tuut ti liipe tswixich uns xtërke. Tës weeche, tuun mëyer unsere priiter klaych hëlfe wën se xwirichkheete mit mache. (Provérbios 17:17) Wën mëyer mit ale mitkliiter fon unser kemaynt tsayt fertraype, tsayche mëyer tas mëyer uns eene mit te anere khimere. — 1 Coríntios 12:25, 26.

Tswixich Yeehoowa sayn Tsayer, tuust tuu froynte fine woo Kot sayn wile mache. Los tich fon niks um hale fer tich mit uns se fersamle.

• Warom is es kuut mit unsere kristliche priiter in te fersamlunge sin?

• Wan teest tuu kërn unser kemaynt khëne?