6-ساباق
باۋىرلاستارىمىزبەن ارالاسۋدىڭ قانداي پايداسى بار؟
ٴتىپتى اۋا-رايى قولايسىز بولىپ تۇرسا دا، يا بولماسا نۋ ورماننىڭ ىشىمەن جۇرۋگە تۋرا كەلسە دە، ٴبىز قاۋىم كەزدەسۋلەرىنەن قالماۋعا تىرىسامىز. ەحوبا كۋاگەرلەرى كەزىگىپ جۇرگەن قيىندىقتارىنا نە جۇمىستان كەيىن شارشاپ تۇرعاندارىنا قاراماستان، ٴبىر سەنىمدەگى باۋىرلاستارىمەن ارالاسۋ ٷشىن نەگە سونشا كوپ كۇش سالادى؟
قيىندىقتارمەن كۇرەسۋگە كومەكتەسەدى. ەلشى پاۋىل «ٴبىر-بىرىمىزگە كوڭىل بولەيىك» دەپ جازعاندا، قاۋىمدا ارالاسىپ جۇرگەن باۋىرلاستارعا مەڭزەگەن ەدى (ەۆرەيلەرگە 10:24). ونىڭ بۇل سوزدەرى باۋىرلاستارمەن جاقىنىراق تانىسۋعا ٵرى ولاردىڭ قامىن ويلاۋعا تالپىندىرادى. قاۋىمداعىلاردى بىلە تۇسكەنىمىزدىڭ ارقاسىندا ولاردىڭ بىزدىكىنە ۇقساس قيىندىقتاردى شەشە العاندارىن ٵرى بىزگە دە قول ۇشىن بەرۋگە دايىن ەكەندەرىن كورەمىز.
ناعىز دوستار تابا الامىز. قاۋىم كەزدەسۋلەرىندە كورەتىن باۋىرلاستارىمىز جاي تانىستارىمىز ەمەس، ولار ٴبىزدىڭ ناعىز دوستارىمىز. ٴبىز ولارمەن باسقا كەزدەرى دە، مىسالى دەمالعاندا نە كوڭىل كوتەرگەندە، باس قوسىپ تۇرامىز. مۇنداي جىلى قارىم-قاتىناستىڭ قانداي پايداسى بار؟ ٴبىز ٴبىر-ٴبىرىمىزدى ودان سايىن باعالاي تۇسەمىز، ال بۇل، ٶز كەزەگىندە، ارامىزداعى سۇيىسپەنشىلىكتى ارتتىرادى. باۋىرلاستارىمىزبەن دوستىعىمىز بەرىك بولعاندىقتان، ولار قيىندىققا كەزىككەندە كومەكتەسۋگە دايىن بولامىز (ناقىل سوزدەر 17:17). قاۋىمنىڭ بارلىق مۇشەسىمەن ارالاسۋ ارقىلى ٴبىز ٴبىر-بىرىمىزگە قامقورلىق كورسەتەمىز (قورىنتتىقتارعا 1-حات 12:25، 26).
ٴبىز ٴسىزدى قۇدايدىڭ ەركىن ورىندايتىن ادامدارمەن دوستاسۋعا شاقىرامىز. مۇنداي ادامداردى ەحوبا كۋاگەرلەرىنىڭ اراسىنان تابا الاسىز. بىزبەن ارالاسۋعا ەشتەڭەنىڭ كەدەرگى ەتۋىنە جول بەرمەڭىز.
-
قاۋىم كەزدەسۋلەرىندە باۋىرلاستارمەن ارالاسۋدىڭ قانداي پايداسى بار؟
-
جەرگىلىكتى قاۋىمعا بارىپ، باۋىرلاستارمەن قاشان تانىسقىڭىز كەلەر ەدى؟