Kiattuni or­pippas­suartigut pisul­luta angalasariaqa­raluar­luta aamma silar­luk­kaluaraangat ataat­simiigiar­tuartar­pugut. Jehovap Nalunaajaasui inuunermi unamminiaga­qaraluar­lutik ul­lormul­lu sulereer­lutik qasusaraluar­lutik, uppeqatimin­nik peqateqarumal­lutik sooq taama iliuuseqartigisar­pat?

Ilorri­simaarne­rusar­pugut. Paulusip ilagiit kristumiut ima al­laf­figai: “Immit­sin­nut isumageqatigiin­niarta.” (Hebræerit 10:24) Tamatumani pineqar­poq immit­sin­nut ilisarisimal­lualernias­sasugut. Taamaat­tumik apustilip al­lagai al­lanik isumagin­nit­tarnis­sat­sin­nut kajumis­saarutaapput. Ilaqutariit kristumiut al­lat ikin­ngutigil­lualerniar­nerisigut paasisar­par­put taakkua ilaasa unamminiak­katik uagut nammineq unamminiak­kat­sin­nut as­singusut anigorsimagaat, uagul­lu unamminiak­kat­sin­nik aniguinis­samut ikiorsin­naagaatigut.

Ikinngutigil­luaga­qa­ler­tar­pugut. Ataat­simiin­nit­sin­ni katersuute­qatigi­sartak­kavut tas­saagin­nan­ngil­lat qarsupit­tumik ilisarisimasavut, tas­saappul­li qanimut ikin­ngutigisavut. Aamma taakku ineriartor­nartunik aliik­kutaqa­qatigisar­pavut. Taamatut peqateqartarneq qanoq iluaqutaasar­pa? Immit­sin­nut pingaarte­qatigiin­neru­lertar­pugut taamaalil­lutalu asaqatigiin­nerulertar­luta. Taava ikin­ngutivut ajornartor­sioraangata ikioriaan­naalertar­pavut, taakku ikin­ngutigil­lualer­simagat­sigit. (Ussatit 17:17) Ilagiit­sin­niit­tut tamaasa peqatigisar­nerisigut ersersit­tar­parput ‘isumas­soqatigiil­luta’. – 1 Korinthimiut 12:25, 26.

Kajumis­saar­pat­sigit Guutip piumasaatut iliortut ikin­ngutis­sat­tut toq­qaq­qul­lugit. Jehovap Nalunaajaasuini taama it­tunik ikin­ngutis­sarsisin­naavutit. Uagut­sin­nik peqateqarnis­san­nut akornuteqarniaqinak.

• Sooq ataatsimiigiartarnerput iluaqutigissavarput?

• Illit qaqugu ilagiitsinniittut ilisarisimallualerumallugit ataatsimiigiarusuppit?