Zi e kɛ bɛ̃ɛ̃ gbeĩ, nyɛnɛ aa ɓɔ, lɛɛ aa bãa, koó bɛi tea lo ko pakiemɔ nia mɔ pia. Mɛ e kɛ lɛ Zihova la Kela vɔ o dɔ gaga waa da o leege vɔ ba wɔ̃ e kɛ bɛ̃ɛ̃ gaga ɛ̃ɛ̃ waa go yɛɓo kɛpia lɛ o fĩi lɛ nyɛpiaa ka?

Lɛ sɛ ko kɛɓe wɛ̃ĩ. Lɛ Pɔɔ a bɛ̃ɛ̃ kelɛ “kɔa kpaa kɔa kie ni mɔɔ wɔ̃ yia,” e kɛ weepia mia lɛ ko ye ni ko ko kie ba nukiela yia ka. (Hiibulu 10:24) Wee e kea yi lɛ́ kelɛ “kɔa kɔa kie ni dɔ kpokpo ɓo sɛ.” A mɔɔ wɔ̃ mɔɔ apɔsɔlɔ Pɔɔ a gee kɔa kie ni kpaa e kɛ kɔa mɔ. Ye kɔaa Kɛlɛi la toapiemia ye o toa dɔɔ, wɔ̃ gaga ni lɛ o do waa diea yi, lɛ e ɓɔ ko la kilia koo loa yi dɔɔ. Oo bɛi gbũu ko mɔ kɛ ko bɛ̃ɛ̃ ko kɔ e die a la nɔ kili.

Lɛɛ ko ɓɛɛlaa mɛ kɛ gaga. Mia lɛ́ ko ye ni ko nu ko pakiemɔɔ yia, o wa nɔ́ mia lɛ́ ko o dɔ ɓɔɔ ka, kɛɛ o ko ɓɛ́ɛ ni kpokpo ka. Luo gbɛɛ kaa, koo luo si kɔa geli kɛ ko kie ba. Gbumɔ kpɛɛ lɛ kɛ kie ba suua e nua? Koo zi lɛ ko ko kɔ yaá ko kie ni wia mɛdã yi. Lɛɛ ko lɔkɛaa mɛ kɛ gaga. Ye ko ɓɛĩ ni wa ko leege vɔ waa kɛ luo gaaa yia, koo gbũ kpokpo ɓo o mɔ ɓii ko ɓɛɛla mia kpeĩ kpokpo ka. (Pɔlɔvɛɛ 17:17, NW) Ye kɔaa da mia seĩ lɛ o ko nukiela yia baa“ koo zɔ̃ɔ̃ kelɛ koo ko ‘yɛlɛ kɛ ko kie ni pie.’—1 Kɔleĩtĩa 12:25, 26.

Koo naa mia lɛ o Wala naa ka wɔ̃ kɛɛ o kɛ i ɓɛ́ɛ ni ka. Ii lo mia o kilia gɛ̃ɛ̃ Zihova la Kela vɔ fĩa. Ɓa kpe yekɛ ɓa to wɔ̃ do nɔɔfe e i tea a kɛ kili pia.

• Mɛ a kɛ sɛ kɔa kɛ kɔa kie ba kɔa pakiemɔ nia yi?

• Luo kpɛɛ lɛ i loa naa i wɔ̃ dɔ e gbɛ̃a ko nukielaa mɔ?