Yej nitajto̱lmoya̱waj de Jehová nochipa nimonechkowaj, aunke moneki maninejnemikan wejka o nemi mawetsi komati a̱ʼ. ¿Té iga pux nimotekitiliáj iga manimonechko̱kan wan nokni̱wan aunke manikpiakan yo̱lmiktilis o manisiatokan?

Kichi̱wa iga matimomachi̱likan ye̱kti. Apóstol Pablo kimatiá iga moneki matimonechko̱kan, inó̱n iga kijkuiloj: «Matimosen-ejla̱mikikan» (Hebreos 10:24). Iní̱n tajto̱l kijto̱sneki iga matimoye̱ʼixmatikan. Wan iní̱n tajto̱l, apóstol Pablo te̱yolketsa iga matimoyo̱lmikti̱kan (o matimotegipachogan) iga seuʼmej. Kua̱ tiki̱xmatij seuʼmej tokni̱wan pan tanechko̱lis, tikmatij iga sekin de yejeme̱n kixtajmakakej se̱ yo̱lmiktilis ken yej tejeme̱n nemi tikpano̱ltiáj wan inó̱n iga welij te̱pale̱wiáj.

Te̱pale̱wiá iga matikpiakan mela̱ʼ amigojmej. Pan tanechko̱lis aya̱san nonokej wan yej niki̱xmatij, nonokej wan melaʼ amigojmej. Sekin biáj no̱ nimonechkowaj wan tokni̱wan iga manitakua̱kan wan manimawilti̱kan. ¿Ken te̱pale̱wiá matimonechko̱kan wan seuʼmej? Te̱pale̱wiá iga ma̱j matimopatiyoitakan (o matimotasojtagan) wan ma̱j matimonekikan. Wan kua̱ tokni̱wan kipiáj se̱ yo̱lmiktilis, imaní̱n nikpale̱wiáj iga nimoye̱ʼwigaj wan yejeme̱n (Proverbios 17:17). Kua̱ titajtowaj wan nochi tokni̱wan pan tanechko̱lis, tikne̱xtiáj iga timonekij (1 Corintios 12:25, 26).

Nimitsijliáj iga xiktapejpena ken amigoj yej kichijtokej yej Dios kineki. Kan monechkowaj yej tajto̱lmoya̱waj de Jehová tikasis melaʼ amigojmej. Amo xikajte̱wa iga nité̱ mamitsakuili iga ximonechko wan nejeme̱n.

• ¿Kén te̱pale̱wiá matimonechko̱kan wan tokni̱wan?

• ¿Ké̱man tiknekiskiá xiki̱xmati notanechko̱lis?