Nalinga kuye ifula, amatope, kali buye bulendo butali, loli Abaketi ba Yehova bobungana pampene. Nalinga bakwaghana nindamyo sya pabumi, ubukatale ni mbombo isi bobomba, ngimba findu fiki fikubatula Abaketi ba Yehova ubungana pampene?

Tumanyana kanunu nabakamu bitu. Pauli alembile ukuti ‘twinoghonelaneghe,’ ayobagha isya bandu aba tukwiputa nabo. (Bahiburi 10:24) Pauli ayobagha isya ‘kwinoghonela abakamu bitu,’ ukubamanya kanunu abakamu bitu. Amasyu gha Pauli agha, ghakutubula ukuti twinoghoneleghe fiyo sya bakamu bitu namuno bayilile. Ukubamanya kanunu abakamu, kututula ukusyaghania ukuti abakamu bitu bamo bakwaghana nindamyo isyakufwana nanuswe, nukuti bangatutula ukuti tumalane nasyo.

Tukuya pabumanyani fiyo nabakamu bitu. Pangomano syitu tubungana ngati bakamu na balumbu. Utubalilo tumo tukolelana ukuti twangale pampene. Ngimba ukwangala pampene kututula bulebule? Tukasya ubumanyani bwitu. Linga abakamu bitu baghene ni ndamyo, tutulana. (Isya Mbupingamu 17:17) Ukubungana na bakamu bitu kututula ukumanya ukuti twesa ‘tupakisania.’—1 Bakorinti 12:25, 26.

Tubasuma ukuti musale abamanyani aba bobomba ubwighane bwa Kyala. Abamanyani aba mungabagha pakati pa Baketi ba Yehova. Mungitikisyagha chilichosa ukuti chibapaghule ukwangala nanuswe.

• Ngimba tutuliwa bulebule linga tubungana pampene na bakamu na balumbu bitu?

• Mukuya pakwanda ndili ubungana nanuswe?