Monte ñanninta rinapaq kaptinpas otaq tiempo mana allin kaptinpas Jehová Diospa testigonkunaqa hinallam huñunakuniku. ¿Imanasqataq anchata kallpanchakuniku sasachakuspapas, pisipasqa kaspapas iñiqmasiykuwan huñunakunaykupaq?

Allinniykupaq kasqanraykum. Imanasqa huñunakunanchikmanta rimaspanmi apostol Pablo nirqa: “Kuyanakunapaq”, nispa (Hebreos 10:24). Chaywanqa niwachkanchikmi reqsinakuspa sientenakunamanta. Iñiqmasinchikkunawan allinta reqsinakuspanchikmi yachanchik ima sasachakuyninkutapas imayna atipasqankumanta, chayqa yanapawachwanmi ñoqanchikpas imayna atipananchikpaq.

Allin amistadta ruranaykupaq kasqanraykum. Huñunakuykunapiqa manam reqsinakuyllachu-reqsinakuniku aswanqa allin amistadtam armaniku. Kusirikunapaq otaq distraekunaykupaqpas huñunakunikum. ¿Imaynatam yanapawanku chayna rurayniyku? Astawan kuyanakunaykupaqmi kallpanchawanku. Iñiqmasiyku sasachakuypi kaptinpas chayllam yanapaniku kuyanakusqaykurayku (Proverbios 17:17). Iñiqmasiykuwan reqsinakusqaykuqa ‘sientenakusqaykutam’ qawachin (1 Corintios 12:25, 26).

Kallpanchaykikum Diospa munaynin ruraqkunapa amistadnin kanaykipaq. Chayna amistadkunatam tarinki Testigonkunawan huñunakuspaqa. Amayá imawanpas harkachikuychu ñoqaykuwan huñunakuynikitaqa.

• ¿Imanasqataq iñiqmasinchikkunawan huñunakunanchik?

• ¿Haykapitaq reqsiyta munawaq huñunakuypi iñiqmasiykuta?