Varesave amendar dživen andre ajse krajini, hoj mušinen te džal pešones prekal bari džungľa, abo sar hin avri džungalo počasje, kaj te aven pre amaro zhromažďeňe. The te predživen ajse pharipena sar aver manuša a varekana hine strapimen, soske le Jehovaskere svedki the avka keren savoro prekal ada, kaj pes jekhetane te zdžan?

Šunas pes lenca mište. O Pavol phenďa le kresťanenge andro zboros: Das [pozoris] jekh pre aver, kaj jekh avreske te pomožinas! (Židenge 10:24 NZ) Te das pozoris, mišľinas pre averdžene a džanas, so predživen. E Biblija amen sikavel, kaj amenge te na el jekh, sar pes aver šunen. Te sprindžaraha aver kresťanska fameľijen, šaj amenge thiš ada pomožinel. Vareko lendar možno predžiďiľa ada, so akana predživas amen. Šaj amen den goďi, so te kerel.

On hine lačhe kamarata. Andro zboros pes mište prindžaras a sam lačhe kamarata. Na sam jekhetane ča pro zhromažďeňe. Rado pes jekhetane zabavinas abo keras opekački. So amen olestar hin? Rado pes dikhas a ľikeras jekh avreha. Te varekaske pes vareso ačhel, pomožinas peske, bo sam sar jekh fameľija. (Príslovia 17:17) Te sam furt amare phralenca the pheňenca, sikavas aleha, hoj pes rado starinas jekh pal aver a pre ňikaste na bisteras. (1. Korinťanom 12:25, 26)

Mangas tumen, kaj tumenge te kiden avri ajse kamaraten, so keren oda, so kamel o Del. Ajse lačhe kamaraten šaj arakhen maškar le Jehovaskere svedki. Ma domukhen, kaj tumen vareko lendar te odcirdel!

• Soske hin prekal amende ada lačho, hoj pes zdžas pro zhromažďeňa?

• Kana avena ke amende te dikhel andre amaro zboros?