Ατζέ-ντα άμα πρέπει τι νακχάς ζούγκλες ή άμα ο καιρός ισί μπέτι, αμέν τζάσα κο συναθροίσεις. Σόσκε ο Μάρτυρες του Ιεχωβά κερένα αζόμ μπουτ προσπάθειες για τι κερέν παρέα οντουλέντζαρ σο τθερένα ι ίδια πίστη λέντζαρ, παρόλο σο κχινιόνα κι μπουτί ή σο ισί δύσκολα ο πράγματα λένγκε ζωγιάτε;

Ισί αμαρέ λατσσιμάσκε. “Τι σκεφτίνεν ο εκ ι γιαβερές”, γραφιντάς ο απόστολος Παύλος, για τι σικαβέλ αμένγκε ότι πρέπει τι αβάς πασέ αμαρέ πφραλέντζαρ κι συνάθροιση. (Εβραίους 10:24) Ανταλά σο γραφιντάς σικαβένα αμένγκε ότι πρέπει τι σικλιάς μπουτ λατσσές ο εκ ι γιαβερές. Άρα, ο λάφια λέσκε κερένα-αμέν τι πφαμπάς ο εκ ι γιαβερέσκε. Μερικά φαμιλιά σο ισί Χριστιανοί μπορισάλε τι νακχαβέν προβλήματα σο τθεράσα αμέν-ντα, ντα καμπόρ κεράσα λέντζαρ παρέα ντικχάσα ότι μπορίνενα τι βοηθίνεν-αμέν τι νακχαβάς-λεν αμέν-ντα.

Κερέλα ζουρανέ φιλίες. Κο συναθροίσεις, ντικχάσα όχι απλά τζενέν σο τζανάσα-λεν αλλά αρακχάσα μπουτ λατσσέ αμαλέν. Γιαβέρ φαρ πάλι γκιντίντιβασα σαρέ για τι κεράς παρέα ντα τι νακχάς λατσσές. Σαρ βοηθίνελα-αμέν ανταγιά παρέα; Σικλιάσα τι εκτιμίνας ατζέ πιο μπουτ ο εκ ι γιαβερές, ντα ανταβά κερέλα πιο ζουρανί ι αγάπη σο τθεράσα ο εκ ι γιαβερέσκε. Οτθάρ, όταν αμαρέ πφραλά τθερένα προβλήματα, βοηθίνασα-λεν αντράλ αμαρέ γκίσταρ σόσκε τθεράσα ήδη κερντό ζουρανέ φιλίες λέντζαρ. (Παροιμίες 17:17) Όταν κεράσα παρέα σαρέ ι πφραλέντζαρ σο ισί αμαρέ εκκλησιάταρ, “σικαβάσα ότι πφαμπάσα ο εκ ι γιαβερέσκε”.—1 Κορινθίους 12:25, 26.

Βακεράσα τουμένγκε τι τραμπίνεν αμαλέν σο κερένα οντουβά σο μανγκέλα ο Ντεβέλ. Κα αρακχέν ασακέ αμαλέν κο Μάρτυρες του Ιεχωβά. Μολίνασα-τουμέν μα τι μουκχέν τίποτα τι τσσιναβέλ-τουμέν τι κερέν παρέα αμέντζαρ.

• Σόσκε βοηθίνελα-αμέν η παρέα κο συναθροίσεις;

• Κάνα μανγκένα τι ντικχέν πασάλ αμαρί εκκλησία;