Тозанлы я-да батгалык ёллардан йөремели болса-да, я-да хованың ыссы-совуклыгына гарамаздан, биз йыгнак душушыкларына ызыгидерли барярыс. Ехованың Шаятлары аладалы болсалар-да, ишден ядап гелселер-де, имандашлары билен душушмак үчин тагалла эдйәрлер. Шейле этмәге олары нәме хөвеслендирйәр?

Кынчылыклары еңмәге көмек эдйәр. Павлус ресул месихчилер йыгнагының агзаларына: «Бирек-биреге үнсли болуң» дийип язды (Еврейлер 10:24, ТД). Бу җүмле бизиң имандашларымызы говы танамалыдыгымызы аңладяр. Диймек, Павлусың сөзлери бири-биримиз билен йүрекден гызыкланмага хөвеслендирйәр. Белки-де, доган-уяларың кәбири бизиң душ гелйән кынчылыкларымызы башдан гечирендирлер. Эгер биз олар билен якындан танышсак, оларың кынчылыкларыны нәдип еңендиклерини билерис. Биз хем оларың гөрелдесине эерип, өз кынчылыкларымыза хөтде гелип билерис.

Достлуклы гатнашыгымызы беркидйәр. Йыгнак душушыкларына гелйән адамлар бизиң йөне бир танышларымыз дәл-де, якын достларымыздыр. Биз йыгнак душушыкларына гатнашмак билен чәкленмән, олар билен дынч хем алярыс. Имандашлар билен гүррүңдеш болмаклык бизе нәхили пейда гетирйәр? Бу бизе бирек-бирегиң гадырыны билмәге ве доганлык сөйгүсини өсдүрмәге көмек эдйәр. Биз имандашларымыз билен якындан достлашярыс ве олара герекли көмеги бермәге хемише тайын болярыс (Сүлейманың тымсаллары 17:17). Биз йыгнак агзаларының әхлиси билен гүррүңдеш болуп, «бири-биримизиң аладамызы эдйәндигимизи» гөркезйәрис (1 Коринтослылар 12:24—26).

Биз сизе Худайың ислегини ерине етирйән адамлар билен достлашмагы маслахат берйәрис. Сиз шейле достлары Ехованың Шаятларының арасындан тапып билерсиңиз. Сизе олар билен достлашмага, гой, хич зат пәсгел бермесин!

• Имандашлар билен гүррүңдеш болмагың нәхили пейдасы бар?

• Сиз йыгнак душушыкларымыза хачан гелмек ислейәрсиңиз?