E tuha lava pe fai malaga ki matou i he vao matua pe lototele ki he tau faigatā, e olo pea ki matou ki ā matou hauniga faka-Kelihiano. E kui i nā lukitau o te olaga ma te fitā mai te mānava mai nā galuega o te aho, aiheā e taumafai ai Molimau a Ieova ke fakatahi ma nā uho talitonu?

E lelei mo tō tatou hologa lelei. “Fakamālohi tētahi ki tētahi,” na tuhi mai ia Paulo e fakatatau ki a te ki latou e kau fakatahi i te fakapotopotoga. (Epelu 10:24) Ko te uiga o te fakakupuga tēia ko te “mafaufau ma manatu mamafa ki ei,” ko tona uiga, ke iloa tētahi ki tētahi. Ko tēia lā ko nā kupu a te apohitolo e fakamalohi ai ki tatou ke manatu mamafa ki iē tahi. I te iloa o iē tahi kāiga Kelihiano, ka hāfia e ai ki tatou tō latou manumalo i nā lukitau e tutuha ma o tatou lukitau e fehoahoani mai ki a te ki tatou ke manumalo ai foki.

Fakaauau he faigauō e tumau. I a tatou hauniga, e fakatahi ai ki tatou, e hē na ko iē e mahani ki tatou ki ei kae ko he vaega o ni uō tafapili. I iē tahi aho e fakafano ai he matou taimi fakatahi ma tafafao lelei ai. He ā te ikuga aogā e maua mai nā mahaniga iēnei? E akoako ai ki matou ke atili lotofakafetai o iē tahi ki iē tahi, ma fakamalohia ai tō tatou alofa. Kāfai e fakafeagai a tatou uō ma ni fakafitauli, kua nofohauni ki tatou ke fehoahoani ki a te ki latou auā e fakamalohia ai te mautū o te tatou faigauō. (Fataoto 17:17) Mai te fakapipiki ki nā hui kātoa o te tatou fakapotopotoga, kua tatou fakaalia atu ai “e tatau ke tutuha te loto tuahā o tētahi ki tētahi.”​—1 Kolinito 12:​25, 26.

E fakamalohia koe e ki matou ke filifili ni au uō e fai te finagalo o te Atua. E maua e koe i nā Molimau a Ieova ni uō vēnā. Fakamolemole nahe fakataga e koe he mea e taofia koe mai te fakapipiki ki a te ki matou.

• Aiheā e aogā ai mo ki tatou ke fakapipiki fakatahi i nā hauniga?

• Ko āfea e fia fakamahani ai koe ma te matou fakapotopotoga?