Nikuba kuti twiinda mumasaka aayoosya naa bwiime bwakunze bubi biyeni, tulanjila miswaangano yabunaKristu ciindi coonse. Nikuba muziimo ziyumu zyabuumi kukatala akaambo kamilimu yabuzuba-abuzuba, nkaambo nzi Bakamboni baJehova nibalipeda kuliswaanizya ambibakombaabo?

Nzibotu kubukkale bwesu. Paulo wakalemba kuti “katunga katuyeeyana” kaamba aabo mbitukomba aabo mumbungano. (baHebrayo 10:24) Ibupanduluzi oobu bwaamba “kuyeeyesesya atala ambabo” izyaamba kuzibana kabotu. Imajwi amwaapostolo atusungwaazya kuba ndabaa abamwi. Kwiinda mukuziba mpuli zimwi zyamaKristu, tujana kuti bamwi babo bakazwidilila mubuyumu-yumu bukozyenie abwesu mbutuswaana, alimwi balakonzya kutugwasya kuti tuzwidilile andiswe mbuli mbabo.

Kupa kuti bweenzuma bwesu busime. Kumiswaangano yesu, tulabungana, kutali abantu mbituzi biyo pe, pesi mbeenzuma bacoonzyo kabunga kabakwesu abacizi. Zimwi ziindi, tuba aziindi zyakulikondelezya antoomwe. Kuliswaanizya kuli boobu kutugwasya biyeni? Twiiya kulumba bamwi akubabona kuti balayandikana, eezi zisimya bweenzuma bwesu bwaluyando. Mpawo, ikuti beenzuma baba mubuyumu-yumu, tulafwambaana kubagwasya akaambo kaluyando luyumu ndutulaalo muli mbabo. (Tusimpi 17:17) Kwiinda mukuliswaanizya abamumbungano boonse, tunooli katutondeezya kuti ‘tulikubikkilana maanu.’​—1 baKorinto 12:25, 26.

Tukusungwaazya kusala aabo bacita kuyanda kwaLeza kuti babe beenzinyokwe. Uyoojana bantu bali boobu aakati kaBakamboni baJehova. Utazumizyi cimwi cintu kuti cikulesye kuliswaanizya andiswe.

• Nkaambo nzi nikugwasya kuliswaanizya antoomwe kumiswaangano?

• Ndiilili nunga ulayanda kusika kuti uzoozibane abamumbungano yesu?