Tukora kyoona ekirukusoboka kurora twaba omu nso’rokano obutoosa, nobukiba nikitwetaagisa kuraba omu mihanda etasemiire rundi obwire bubi. Habwaki Abakaiso ba Yahwe bafaayo muno kuba omu nso’rokano gonze batunga emitalibaine kandi bajwaha nk’abantu abandi?

Zitwombeka. Paulo akagamba hali Abakristaayo bagenzi baitu abatuba n’abo omu nso’rokano ati: “Kandi tutekerezege okwekambisangana.” (Abaheburaniya 10:24) Ebigambo binu bimanyisa “kutekerezaho muno,” ekirukumanyisa kumanyangana. Nahabwekyo, ebigambo by’omukwenda Paulo bitutererra kufaayo hali abandi. Obutuba n’Abakristaayo bagenzi baitu abarabire omu bizibu nk’ebitwine, basobora kutuha amagezi agasobora kutukonyera kubitabarukamu.

Zigumya enkoragana yaitu n’abandi. Ab’oruganda aba tuso’rokano nabo tubatwara nk’enganjani zaitu mali. Obundi tutunga obwire kusemererwa hamu n’abo. Kinu kitugasira kita? Kitukonyera kurora ebirungi omu bandi, ekigumya enkoragana yaitu n’abo, kandi obubatunga ebizibu kitwanguhira kubakonyera. (Enfumo 17:17) Obutukoragana kurungi n’ab’oruganda boona, kyoleka ngu tubafaaho.—1 Abakolinso 12:25, 26.

Nitukutererra kuserra enganjani muli abo abakora Ruhanga ebyagonza. Noija kubasanga omu Bakaiso ba Yahwe. Otaleka kintu kyoona kukulemesa kuso’rokana naitwe.

• Enso’rokano zitugasira zita?

• N’ogonza kutandika ddi kugenda omu nso’rokano?