Kami nga mga Saksi ni Jehova regular nga natambong ha amon Kristiano nga mga katirok bisan pa han maraot nga klima o bisan kon kinahanglan kami magbaktas ha masirom nga kagurangan. Kay ano nga nangangalimbasog kami nga makig-upod ha amon igkasi-tumuroo bisan pa han mga kakurian han kinabuhi ngan kakapoy han adlaw-adlaw nga buruhaton?

Nakakaopay ito. Ha mga membro han kongregasyon, hi apostol Pablo nagsurat: “Magpinalandunganay an usa kag usa.” (Hebreo 10:24) Ini nga mga pulong nangangahulogan nga sadang naton kilalahon an usa kag usa. Salit nag-aaghat ini ha aton nga magin interesado ha iba. Pinaagi ha pagkilala han mga pamilya ha kongregasyon, nahibabaroan namon nga nalamposan han iba an mga kakurian nga pariho han amon, ngan nabubuligan kami nira nga maglampos liwat.

Pinaagi hito nagkakaada kita kasangkayan nga nagpapabilin. Ha amon mga katirok, an amon nakakaupod diri la basta kilala namon, kondi mga duok nga kasangkayan. Usahay, nagkakaada liwat kami desente nga mga kaliawan. Ano an kapulsanan hito? Mas napapabilhan namon an kada tagsa, ngan napaparig-on an amon gugma ha usa kag usa. Ngan kon may problema an amon kabugtoan, ginbubuligan namon dayon hira tungod kay nakultibar na namon an marig-on nga pagkamagsangkay. (Proberbios 17:17) Pinaagi ha pakig-upod ha ngatanan nga membro han kongregasyon, iginpapakita namon an pagtagad ha usa kag usa.—1 Korinto 12:25, 26.

Gin-aaghat namon kamo nga pilion sugad nga sangkay an nagbubuhat han kaburut-on han Dios. Makakabiling kamo hin sugad nga sangkay ha mga Saksi ni Jehova. Hinaot diri mo tugotan nga may makapugong ha imo ha pakigsangkay ha amon.

• Kay ano nga mapulsanon an pagtambong ha mga katirok?

• San-o ka puydi makatambong ha amon katirok?