იეჰოვაშ მოწმეეფს ვაშქურინუანს ვართ ჯუნგლეფი დო ვართ ზოთონჯიშ ოწანწალაია ამინდი, თინეფ რეგულარულო ოსწრუნა კრებეფს. მუშენ იშაყარუნა ართო და დო ჯიმალეფი ჭყანაშ მადინაფალ სამუშა დღაშ დო პრობლემეფიშ უმკუჯინუო?

თენა ჯგირობუას მომღანა. პავლე კრებაშ წევრეფს ურაგადუდ, ნამდა ართიანშა ყურადღება ქიმუქციებდესკო (ებრაელები 10:24). თე მუხლის გიმორინაფილ სიტყვა „ყურადღებიანი“ ნიშნენს „შხვაშ ჯგირობუაშო ფიქრის“, ნამდგაშა ართიანიშ გაჩინებაფა ხოლო მიშურს. პავლე მოციქულიშ სიტყვეფშე იძირე, ნამდა ოკო მოინტერესუდან შხვეფი. მუჟამს შხვა და დო ჯიმალეფს უჯგუშო გეფჩინებაფუანთინ, ქობძირუნთ მუჭო გინარჯგინ ნამთინექ თიცალ პრობლემეფს, ნამუსით სი ხოლო შეთმოხვადუქ. თინეფ ქიმეჩიებნა მუნეფიშ გამოცდილებაშენ დო ქიმმეხვარებნა, ჩქი ხოლო მივერუათ თიჯგუა პრობლემეფს.

თენა ხეს უნწყუნს ნამდვილ მეგობრობას. თანაქრისტიანეფი, მიდგაწკუმა ართო იფშაყარუთინ, უბრალოთ ჩქინ ნაჩინებუეფი ვარინ, ხოლოშიან მეგობრეფი რენა. თინეფწკუმა ხვალე კრებაშ შეხვალამეფს ვა მიღუნა ურთიერთობა, ჩქი ართო ხოლო იფსვანჯუთ დო სასიამოვნოთ ვატარენთ დროს. თეგვარო უმოს ხოლოს იფჩინებაფუანთ დო მეჸოროფებნა ართიანი. დო მუჟამს პრობლემეფს შეხვადუნან, მზათ ვორეთ, ქიმუვეხვარათ, მუშენდა თინეფ ჩქინ მეგობრეფი რენა (იგავები 17:17). ჩქი კრებაშ არძა წევრწკუმა მიღნა ურთიერთობა დო თეგვარო ვოძირანთ, ნამდა არძას „ართნერო ვაქციენთ ყურადღებას“ (1 კორინთელები 12:25, 26).

სი შეილებ დემეგობრე თინეფს, მით ღორონთიშ ნებას ასრულენს. თეცალ ხალხის იეჰოვაშ მოწმეეფ შქას ძირუნქ. მუთუნქ ვეგეცილან დო ვემიოტუათ იეჰოვაშ ხალხწკუმა ურთიერთობა.

• მუშენ რე ჯგირ ჩქინო კრებაშ შეხვალემეფს და დო ჯიმალეფწკუმა ურთიერთობა?

• მუჟამ აპირენქ იეჰოვაშ მოწმეეფიშ კრებაშ წევრეფიშ უჯგუშო გაჩინებაფას?