À nɛɛ máŋ kú sia kôya kɛ, kú tɛɛ pâra su kpaa máŋ tuna é kú lókwa, kwa kɔ́ kú lí kúkoyâŋ-ŋai su a tãi kélee. E tee nyíti ma, mɔ̃lɛ-laa, fii-kpɛɛ da kponoi ŋana dífa kú kpera liî kúkoyâŋ-ŋai su. Lé mɛni ɓé Ziova Ŋɔsêre-faa kɛ́-ɓelai da kɔ́ kpɔ́ la a gbanaŋɔɔ à gɛ́ɛ dí lí díkoyâŋ-ŋai su a tãi kélee?

A kpɔŋ maa tɛɛ kúpɔ kúkɛ́-ɣeniɛi su. Zia-nuui Pɔ̂ɔ è mò kôrai-toli-kpɔŋ tɔnɔ su Ɓela dîa nyɛɛi: “E lɛɛ kúkili ŋa berei kwa pɔri wɛli-kɛ-maa pui la kúkîe-ni kponôi.” (Ibulu 10:24) “E lɛɛ kúkili ŋa” sukúlai ɓa à gɛ́ɛ Kôrai-ɓela dí díkili ŋa sia a gbanaŋɔɔ é pîlaŋ díkîe ma, dí díkîe-ni kɔ́lɔŋ, dí kpɔŋ maa tɛɛ díkîe pɔ́. Mɛni ma, zia-nuui wóoi ŋí a nɛ́i kwa à gɛ́ɛ kú kɛ́ a kú kpáaŋɔɔ a kúɓarâŋ kôrai-ɓelai maa mɛni. Nyaŋ kwa kɔ́ à gɛ́ɛ kú kúɓarâŋ kôrai-ɓelai da díkáayɔɔ-ŋai kɔ́lɔŋ a nɛ́lɛɛ, kwa pâi gɔ́lɔnîi à gɛ́ɛ dítani daâ tɛɛ m̀ɛni kpɔlu-ŋai su kwa máŋ kwa tɛɛi zui. Nyíŋi a kpɔŋ maa tɛɛ kúpɔ à gɛ́ɛ kú kútɔɔ̂i kpanáŋ naa-lai su.

A kúlawoi-laai su kpanáŋ. Kúkoyâŋ-ŋai su, ǹûai kwa dîani kwa kú ŋá-tɛ́ gîe mai, dífe nɔ́ a kúkɔ́lɔŋ-ɓela, kɛ́ɛ, díkaa a kúlawoi-ni. Tãi tani-ŋa kwa ŋɔ́nɔ pa kúkîe ma à gɛ́ɛ kú pêle-kɛ, kú lii-nɛ̃ɛ kúla gîe ma. Lé mɛni lɛ́lɛɛ ɓé kwa zɔlɔ ɓó nyíŋi su? Nyíŋi a gɛ̀ kú kúkîe-ni wɛ́li, é kúwɛli-kɛ-maai su kpanáŋ. Mɛni ma, kúɓarâŋ kôrai-ɓela dakɛ mɛni kpɔlu su, kwa kpɔŋ maa tɛɛ dípɔ, kpɛ́ni fêi, kúlawoi-laai su kpanaŋɔ̂ɔi. (Táre-woo-ŋa 17:17; NW) Kwa kɛ kúkîe-ni pôlu kwa kôrai-toli-kpɔŋ su ɓela, kwa nɛ̀ à gɛ́ɛ wɛli-kɛ-maa káa kúyéeì kúkîe-ni mɛni ma.—1 Kɔleŋtiɛŋ 12:25, 26.

A pâi kɛ́i a nɛ́lɛɛ à gɛ́ɛ I lawoi-laa kɛ a diai Ziova nî̃a-mɛni kɛ́i. Ya pɔri nûa kɛ́ɛ ŋí káai Ziova Ŋɔsêre-faa kɛ́-ɓelai sáma. Ífe nɛ̀ɛ naa sɛŋ kélee ta fé I kpera gɛ-gîe-pôlu-laa kɛ́i a Ziova Ŋɔsêre-faa kɛ́-ɓelai.

• Lé mɛni ɓé nɛ́lɛɛi la kú kɛ kúɓarâŋ kôrai-ɓelai sáma goyâŋ sui?

• Mí tãi ɓé ya ŋwɛ̂lii la à gɛ́ɛ I pá kú naa káai kúkoyâŋ su?