Njheu é zi mbou nông mbeukè pa’ a afœu’ mbeung ngô poup la, kèè nguia atchou’té mè ghô a nguia sia lè, mbô mpeukè ké mbou éfa’ méshheu a légheuô atchou’té éfœu’ métseum. Ménguengue é zi ntshiè a mvhô pôp nzaa lèkœuè, Ménjheuè-njiô Joovah é ping ngué kô’ô afa’ mbou nông nkaa, mbô pô ké fôk mbœu’ tè pô épô mémia pôp é tchou’té mela’akô?

A gheu mpeukè jou’ô mbông-ô. Ngangto Paul a lé leu a mbou mékritèn nguè mpè ‘tôôté ménèt mimpè.’ (Hébreux 10:24) Ndôkô ndeuè nguè “épô mémia é zi’né a lézhè épimô’ mbông-ô.” A lé tsia anè méshoung-né mouô mèt éseumté épô mémia a lékuité épimô’. Mpè fa’a éshheu a lélôk nzhè épô mémia pimpè mbông-ô, mbô mpè jiô léghè émô’ épouô a nnô pôp, é lé zeung ngwuè zôp ménguengue pa’ pimpè la, mbing seuk. Pô ghô ping nkuitè yimpè a lésseuk mimpè ménguengue.

A gheu mpeukè wè léssoo tsi é nang. Anè métchou’té meuk a, mpeukè té lè mbootè épouô nda’a, mpeukè koo éwou njiô kwa’ méssoo mbông. A ping ngô amô’ éfœu’, mpeukè pou ntchou’té ngangté. Mpeukè tchou’té pa’a mèt, njheuè aziè apè? Létchou’té poup a yè weuk éshheu a léseumté ménèt meuk, ngou’té émô’ épouô mbing ngheu nkông-né zeuk é fang. A ping ngô afœu’ zi épô mémia peuk é nteu ménguengue, mpeukè lèè ngakné nkuitè wôp mela’mi léssoo tseuk a pôp é tseukné tè’. (Proverbes 17:17) Mpeukè woua nkwa épô mémia a nguia atchou’té a, ndôk ntsui mbông-ô nguè mpeukè ‘tôôté, mbing nkông-ô awuè-wuè a nnô peuk.’​—1 Corinthiens 12:25, 26.

Mpeukè si seumtè wè nguè pè kang méssoo pè a nnô épouô pi é gheuè ajoumi Joovah a si nkông-ô. O ghô jiô ntsi méssoo mouô mèt a nnô Ménjheuè-njiô Joovah. Té lèè mbou neung tè ajouô a vènè wou a lékouô a nnô peuk!

• A pông nguè mpè pooté a nguia atchou’té éfœu’métseum mela’akô?

• O si sang-a wou a léshi’è a nguia atchou’té peukésseung-è?