Laadu, ca testigu stiʼ Jiobá qué rusaana de chuudu ca guendaridagulisaa stidu, neca tiididu lade guiʼxhiʼ o neca nabé feu nuu tiempu. Xiñee qué rusaanadu de chuudu ca guendaridagulisaa ca neca ridxaagaludu guendanagana ne neca nabé maʼ bidxágadu despué de maʼ bínidu dxiiñaʼ yaʼ.

Racaneni laadu chuʼdu galán. Apóstol Pablu bizeeteʼ pabiáʼ naquiiñeʼ cheʼ ca xpinni Cristu ca guendaridagulisaa ora bicaabe ca diidxaʼ riʼ: «Ucáʼ ique nu acané saa nu» (Hebreos 10:24). Para gúnidu nga la? caquiiñeʼ gunibiáʼsaadu. Ora runibiaʼdu xcaadxi binni ridagulisaa, ridúʼyadu maʼ gudíʼdicabe lu ca guendanagana cadídidu ne zanda gacanécabe laadu gudxíʼludu cani.

Racaneni laadu guidxéladu binni ni dxandíʼ xhamígudu. Ca binni ni ridxaagadu lu ca guendaridagulisaa riʼ qué runibiáʼsidu laacabe, sínuque dxandíʼ xhamígudu laacabe. Ne nuu tiru laaca rúnidu xiixa cosa para chuʼdu nayecheʼ. Xi ribeendudu ora gúnidu zacá yaʼ. Racaneni laadu gusisácadu ca xhamígudu ne gannaxhiisaadu ti chuʼdu tobi si. Ne ora maʼ cadxaagalú xcaadxi xpinni Cristu guendanagana, nagueendaca racanedu laacabe purtiʼ dxandíʼ xhamígudu laacabe (Proverbios 17:17). Ora guidxaagadu guiráʼ ca binni ridagulisaa, rusihuínnidu dxandíʼ rizaaláʼdxisaadu (1 Corintios 12:25, 26).

Runi invitardu lii guyúbiluʼ gaca xhamíguluʼ ca binni ni cayuni ni na Dios. Zadxeʼluʼ xhamíguluʼ lade ca testigu stiʼ Jiobá. Cadi gudiiluʼ lugar chuʼ xiixa ni gucueeza lii de guidagulisaaneluʼ laadu.

• Xi ribeendudu ora guidxaagadu ca xpinni Cristu ni ridagulisaanedu.

• Padxí ñuuláʼdxiluʼ ñunibiaʼluʼ ca binni ni ridagulisaanedu.