Баштапкы христандар бойлорыныҥ јуундарында кожоҥдор кожоҥдоп, мӱргӱп, анайда ок Агару Бичимелди кычырып шӱӱжер болгон (1 Коринфтегилерге 14:26). Олордо кандый да чӱм-јаҥдар (ритуал) болбогон. Бистиҥ туштажулар бӱгӱнги кӱнде база анайда ӧдӧт.

Ӱредӱ Агару Бичикке тӧзӧлӧнӧт лӧ јӱрӱмге болужат. Амыраар кӱндердиҥ бирӱзинде кажы ла јуунда 30-⁠минуттыҥ туркунына Агару Бичикке тӧзӧлӧнгӧн куучын-эрмек айдылат. Бу куучын-эрмектерде Агару Бичик телекейде болуп турган айалгаларды канайып јартайт ла бистиҥ јӱрӱмиске канайып болужары керегинде айдылат. Келген улус ончозы Агару Бичикти ачып, јарталып турган ӱлгерлерди кӧрӱп турзын деп кычырылат. Куучын-эрмектиҥ кийнинеҥ бир сааттыҥ туркунына Агару Бичикти ӱренетен јӧрмӧлди шӱӱжери ӧдӧт. Кӱӱнзеген ончо улус јартамалдар берер аргалу. Мынайып шӱӱп јарташканы Агару Бичиктиҥ принциптерин јӱрӱмисте тузаланарга болужат. Бастыра јердиҥ ӱстинде 110 000-наҥ кӧп јуундардыҥ кажызында ла бир материал шӱӱп кӧрӱлет.

Бойыстыҥ ӱредер темигӱлеристи тыҥыдарга болужат. Анайда ок бис неделениҥ кажы бир эҥиринде ӱч бӧлӱктеҥ турган «Бистиҥ христиан јӱрӱмис ле ижибис» деген туштажуга јуулыжадыс. Ол «Бистиҥ христиан јӱрӱмис ле ижибис» деген ай сайын чыгып турган бичиктиҥ материалына тӧзӧлӧнгӧн. Бу туштажуныҥ «Кудайдыҥ Сӧзиндеги эрјинелер» деп адалган баштапкы бӧлӱги, јуунныҥ Агару Бичиктеҥ озолодо кычырып алган ӱзӱгин оноҥ јакшы оҥдоорго болужат. «Јарлаар иштиҥ темигӱлерин тыҥыдадыс» деген экинчи бӧлӱкте, улусла Агару Бичиктиҥ болужыла канайып шӱӱжерин кӧргӱзип турган кӧргӱзӱлер бар. Јӧп берип турган ака, кажы ла ӱренчикке кычырарыныҥ ла куучын ӧткӱрериниҥ темигӱлерин тыҥыдарга болужат (1 Тимофейге 4:13). Туштажуныҥ «Христиан јӱрӱм» деп калганчы бӧлӱгинде, библиялык принциптерди јӱрӱмисте тузаланарга ӱренедис. Бу туштажуныҥ ӧйинде сурактардыҥ ла каруулардыҥ болужыла, Агару Бичикти тереҥжиде оҥдоорго болужып турган материал шӱӱжилет.

Слер бистиҥ јуундарда болзогор, ӱредӱ бийик кемине ӧткӱрилип турган деп, бойыгар кӧрӱп бӱдӱмјиленеригер (Исаия 54:13).

• Иегованыҥ Керечилериниҥ туштажулары канайып ӧдӧт?

• Слер неделе сайын болуп турган туштажулардыҥ кажызына барарга тыҥ кӱӱнзейдер?