Ntùm ntseʼde mbwe Benkristô, nkwi, ndeʼde, nesiañ bo neswade ntshob num Ñwaʼni Nsi lo be bwe. Moʼ ju ghua ke bèn mbe. (1 Korintô 14:26) O kuʼni neyen ju ntshùʼ sènni ntùm tshag ntseʼde.

Ntswide yéʼdʼà num Ñwaʼni Nsi bèn nke njwimde. Ntùm miagde ngabnjù mba zit ndà ntseʼde lo num mbumde num nejuʼ taʼ tu ntshob mvi nyam 30 zʼa tum ntùm Ñwaʼni Nsi là, nke ntshob num yôg ben, mba num zebe ngelañ. Mba we lo kuʼni ne nke ndôde ntùm ze Ñwaʼni Nsi. Tu ntshob num mi i, bo ziʼde ñwaʼni Ndiañ Ntom, num mvi nyam 60, mba we lo ndà ntseʼde kuʼni nebùnde ngelañ bo swade ntshob num ziʼde Ndiañ Ntom yen ngab là là. Yen neswade ntshob là num njwimde yag neze ntshùʼ Nsi ntùm yôg sage. Bo nke nziʼdʼà be Ndiañ Ntom ntshùʼ ntùm tshag ndà ntseʼde tsʼa kum 120 000 ntshùade là ntùm njù.

Bo num njwimde yag netsiagde yag mat netswide. Bag be mbèn ntseʼde netèt ngabnjù num ntseʼde bag i tat ze tu i be Yôg mènkristô bo nàfaʼ là, nke njéʼdʼà num Fe ki ntseʼde Yôg mènkristô bo nàfaʼ zʼa num ntum njoñ ñwù fa là. Mbwe bag i bʼa Fuʼ ntùm Ñwaʼni Nsi zʼa num njwimde ben nejuʼ taʼ bag Ñwaʼni Nsi ze be yà siañ nà. Mbattʼé, be Yab ntù o num nàfaʼ nke ndaʼde ba mfiʼ neswade ntshob bo tsemoʼo mfà num Ñwaʼni Nsi. Taʼ ngatshagde be ntag yag, yennà ywimde yag netsiagde yag mat nesiañe bo netshobe. (1 Timôtio 4:13) Miagde bag i, Yôg mènkristô num ndaʼde mbʼa bwô neze tun ntshùʼ Ñwaʼni Nsi ntùm zeben yôg njoñ léʼ fa là; mbèn ngù ba mbètte bo mbùnde neghù bag bin juʼ Ñwaʼni Nsi kuaʼ mebwô.

Ngelañ o seʼ tshag ntseʼde là, kà nke magde. O nsi tshàm num ntag o juʼ ntùm Ñwaʼni Nsi là.​—Esaya 54:13.

• Ke zʼo tshwèt nkwade nejuʼ ndà ntseʼde Ghakwénta Yaweh Nsi à?

• O kô neseʼ à zit ntseʼde ntùm ngabnjù à?