Ndongame̱n ya ponda bokwedi ba Yesu i ta nde i be̱ne̱ buka te̱, myenge m’esese, mika, bolanga na bekwali be se̱medi o Bibe̱l. (1 Korinto 14:26) Ndongame̱n asu pe̱ mulemlem.

Belēdi be se̱medi o Bibe̱l na be mongwane̱. O su la woki, mwemba te̱ ma Mboṅ a Yehova, mu mako̱to̱me̱ o senga Ekwal’a nte̱le̱le̱ e be̱n 30 ma minuti. E malee̱le̱ ne̱ni betiledi beno̱ ná bongwane̱ biso̱ o bia dangwa o nin ponda nisukan. Moto te̱ a belabe̱ o tele̱ Bibe̱l ao. Ombusa ekwali, di matombise̱ pe̱ háwa po̱ o Jokwa la “Njongo a Betatedi.” O di jokwa moto te̱ e wonja o bola jalabe̱. Be belēdi be mongwane̱ biso̱ o bupe̱ bete̱sedi ba Bibe̱l, o malonge̱ masu. Ni Tour de Garde e mokwabe̱ pe̱ o buka na 120 000 la myemba ma Mboṅ a Yehova me o wase ńe̱se̱.

Jongwane̱ o ńaka o mbad’asu ńa lee̱. Di mako̱to̱me̱ pe̱ oteten a woki ońola ndongame̱n ńabedi mongo malalo ni belabe̱ ná Longe̱ lasu la kriste̱n n’ebol’a dikalo, ni se̱medi o mato̱ti ma mabolabe̱ o kalati ońola ndongame̱n ńa Longe̱ lasu la kriste̱n n’ebol’a dikalo ni mabusisabe̱ mo̱di. Laboso, Bema ba tiki b’Eyala Loba, di mongwane̱ biso̱ o ko̱lo̱ngo̱ne̱ bepasi ba Bibe̱l di se̱le̱no̱ langa o mboa. Di londe̱ maba, Walame̱ne̱ wame̱ne̱ o ebol’a dikalo, di be̱n patan i malee̱ ne̱ni kwalea Bibe̱l na bane̱. Mubole̱ malea a mabola malea ma mongwane̱ biso̱ o ńaka o mbad’asu ńa langa na ńa to̱po̱. (1 Timoteo 4:13) Di sukan, Longe̱ la Kriste̱n, di mombwea nde mbad’a we̱le̱ o ebolo bete̱sedi ba Bibe̱l buńa te̱ o longe̱ lasu. Di be̱n ekwal’a myuedi na malabe̱ yena e mongwane̱ o bata ńaka o so̱ṅtane̱ la Bibe̱l.

Wukedi te̱ o ndongame̱n asu, o me̱nde̱ jubea ońola mbad’a belēdi o me̱nde̱no̱ kusa.​—Yesaya 54:13.

• Ne̱ni ndongame̱n asu i matombano̱ e?

• Njika ndongame̱n o me̱nde̱no̱ to̱ndo̱ o se̱le̱ jukea e?