Yaunchuk Kristu aents Yuusan enentáimtustasar irúnainiak, Yuusan nampersar tura Yuusan seawár juarin ármiayi. Nuyá Yuusa chichamen ámamkesar unuimiatin ármiayi. Yaunchuk najanin armia áintsarik yamaisha najántainti.

Yuusa chichámejai ii iwiaákmarin itiúr pénker pujústiniait nu unuimiáttainti. Sáwartinkisha túrutskesha Tumintínkisha Yuusa chichámejai jintínkratma [discurso bíblico] 30 minutos antútainti. Nuinkia ii iwiaákmarin itiúr pujústiniait nuna tura yamaí urúkamtai ti itiúrchatnum pujaj nunasha jintínkratin áiniawai. Tura máshiniu nui pujaátikia jintínkratu aujki wéakui iisha Yuús Papiinium iikír wétainti. Nu amuukamtai, Étserma papií unuimiáttainti [Estudio de La Atalaya]. Nuka una hórakete. Nuú papií unuimiátmanum yaksha ewejé takuí chichákminiaiti. Nuinkia Yuús Papií tana nu itiúr umíktiniait nusha unuimiáttainti. Ashí nunkánmasha nuú enentaík unuimiáttainti.

Itiúr pénker etsérkatniuit nu unuimiáttainti. Tura chikich tsawantincha, Jesús itiurmia núnisrik túrawartai [Vida y Ministerio Cristianos] tusar irúntainti. Nuinkia Irúntramunam unuimiattai papií - Jesús itiurmia núnisrik túrawartai [Guía de actividades para la reunión Vida y Ministerio Cristianos] tana nu unuimiáttainti. Émkaka “Yuusa chichame ámamkesar unuimiátrartai” [“Tesoros de la Biblia”] tana nuinkia Yuusa chichame jeá unuimiátramu unuimiáttainti. Tura arúm “Pénker unuíkiartin artai” [“Seamos mejores maestros”] tana nuinkia aentsjai Yuusa chichame áujmateakur itiúr jintiatniuit nu iniákmamsakrin pénker áujsatniun tura ti paant jintínkratatniun unuíkiartin áiniawai (1 Timiutéun 4:13, 16). Amúakur “Jehová wakérana áintsarik túrawartai” [“Nuestra vida cristiana”] tana nuinkia Yuusa chichame itiurkaria umíktiniaitiaj nu ámamkesar tishipsar nekaatniun jintínkratu anínkratkui ewéj takuír chichatainti.

Nui irúntainiam jeamka, Testigos de Jehová Yuusa chichamen itiúr paant unuíkiartuinia nu nekaáttame (1 Timiutéun 4:6).

• Testigos de Jehová irúntairin warí unuimiattain?

• Testigos de Jehová irúntairin Yuusa chichame antuitia. Warí tsawantin winittsam wakeram?