ບົດທີ 7
ການປະຊຸມຂອງພວກເຮົາເປັນແນວໃດ?
ນູແວນເຊລັງ (ນິວຊີແລນ)
ຍີ່ປຸ່ນ
ອູກັນດາ
ລິດຕົວນີ
ການປະຊຸມຕ່າງ ໆ ຂອງຄລິດສະຕຽນໃນສະຕະວັດທຳອິດສ່ວນຫຼາຍປະກອບດ້ວຍການຮ້ອງເພງ ການອະທິດຖານ ການອ່ານແລະການພິຈາລະນາພະຄຳພີ ນັ້ນຄືບໍ່ມີພິທີກຳຫຍັງເລີຍ. (1 ໂກລິນໂທ 14:26) ທ່ານສາມາດຄາດໝາຍສິ່ງທີ່ຄ້າຍ ໆ ກັນນີ້ຢູ່ການປະຊຸມຂອງພວກເຮົາ.
ການສອນທີ່ໃຊ້ຄຳພີໄບເບິນເປັນຫຼັກແລະເອົາໄປໃຊ້ໄດ້ແທ້. ຕາມປົກກະຕິໃນວັນເສົາຫຼືວັນອາທິດ ແຕ່ລະປະຊາຄົມປະຊຸມກັນ 30 ນາທີ ເພື່ອຟັງຄຳບັນລະຍາຍສາທາລະນະ ເຊິ່ງສ່ອງແສງເຖິງວິທີທີ່ພະຄຳພີກ່ຽວຂ້ອງກັບຊີວິດຂອງເຮົາແລະສະໄໝທີ່ເຮົາພວມມີຊີວິດຢູ່. ມີການກະຕຸ້ນໃຫ້ພວກເຮົາທຸກຄົນອ່ານຕິດຕາມໃນຄຳພີໄບເບິນຂອງຕົນເອງ. ຫຼັງຈາກຄຳບັນລະຍາຍ ມີການສຶກສາ “ຫໍສັງເກດການ” ໜຶ່ງຊົ່ວໂມງ ເຊິ່ງມີການເຊີນໃຫ້ສະມາຊິກຂອງປະຊາຄົມປະກອບສ່ວນໃນການພິຈາລະນາບົດຄວາມໜຶ່ງໃນຫໍສັງເກດການ. ການພິຈາລະນາແບບນີ້ຊ່ວຍພວກເຮົາໃຫ້ເອົາຄຳແນະນຳໃນຄຳພີໄບເບິນໄປໃຊ້ໃນຊີວິດປະຈຳວັນ. ມີການສຶກສາບົດຄວາມດຽວກັນນີ້ໃນຫຼາຍກວ່າ 110.000 ປະຊາຄົມທົ່ວໂລກ.
ພວກເຮົາໄດ້ຮັບການຊ່ວຍເຫຼືອໃຫ້ປັບປຸງທັກສະໃນການສອນ. ພວກເຮົາຍັງປະຊຸມກັນໃນຕອນແລງຂອງວັນອື່ນໃນລະຫວ່າງອາທິດສຳລັບອີກສາມລາຍການ. ໃນຫົວຂໍ້ຊີວິດຄລິດສະຕຽນແລະວຽກຮັບໃຊ້ ເຊິ່ງອາໄສເນື້ອໃນຈາກຊີວິດແລະວຽກຮັບໃຊ້—ຄູ່ມືການປະຊຸມທີ່ອອກເປັນລາຍເດືອນ. ສ່ວນທຳອິດຂອງການປະຊຸມແມ່ນສິ່ງທີ່ມີຄ່າຈາກພະຄຳຂອງພະເຈົ້າເຊິ່ງຊ່ວຍເຮົາໃຫ້ຄຸ້ນເຄີຍກັບສ່ວນໃດສ່ວນໜຶ່ງຂອງຄຳພີໄບເບິນທີ່ປະຊາຄົມໄດ້ອ່ານລ່ວງໜ້າ. ຈາກນັ້ນແມ່ນສ່ວນສິ່ງທີ່ເຈົ້າຈະນຳເອົາໄປໃຊ້ໃນວຽກປະກາດເຊິ່ງລວມມີການສາທິດວິທີທີ່ຈະເວົ້າເລື່ອງຄຳພີໄບເບິນກັບຄົນອື່ນ. ຜູ້ໃຫ້ຄຳແນະນຳຈະໃຫ້ຂໍ້ຄິດເຫັນເພື່ອຊ່ວຍພວກເຮົາໃຫ້ປັບປຸງຄວາມສາມາດໃນການອ່ານແລະການເວົ້າ. (1 ຕີໂມເຕ 4:13) ສ່ວນສຸດທ້າຍແມ່ນຊີວິດຄລິດສະຕຽນຈະເວົ້າເຖິງຫຼັກການໃນຄຳພີໄບເບິນທີ່ໃຊ້ໄດ້ຈິງໃນຊີວິດປະຈຳວັນ. ໃນສ່ວນນີ້ລວມເຖິງການຖາມ-ຕອບເຊິ່ງຊ່ວຍພວກເຮົາໃຫ້ມີຄວາມເຂົ້າໃຈຢ່າງເລິກເຊິ່ງໃນຄຳພີໄບເບິນ.
ເມື່ອເຂົ້າຮ່ວມການປະຊຸມຕ່າງ ໆ ຂອງພວກເຮົາ ແນ່ນອນວ່າທ່ານຈະປະທັບໃຈກັບຄຸນນະພາບຂອງການສຶກສາຄຳພີໄບເບິນ.—ເອຊາອີ 54:13
-
ທ່ານຄາດໝາຍວ່າຈະໄດ້ຟັງຫຍັງແດ່ຢູ່ທີ່ການປະຊຸມຕ່າງ ໆ ຂອງພະຍານພະເຢໂຫວາ?
-
ການປະຊຸມປະຈຳອາທິດສ່ວນໃດທີ່ທ່ານຢາກເຂົ້າຮ່ວມໃນເທື່ອໜ້າ?
