Pakiemɔ lɛ Kɛlɛi la toapiemia o kɛa kɛpia mɔɔ, o kɛ tã ɓopia waa sɛ̀nɛ ɓo ɛ̃ɛ̃ waa Baabo yi wɔ̃ gee yi. (1 Kɔleĩtĩa 14:26) Ii bɛi wɔ̃ nɔ dooa gɛ̃ɛ̃ ko pakiemɔ nia yi.

Pɛ ko zɔ̃ɔ̃ɔ lɛɛ go Baabo yi ɛ̃ɛ̃ lɛ kɛɓe wɛ̃ĩ. Mia lɛ o nukielaa yia oo nu o kie ba lɔ́ɔ seĩ nyɛpia waa o too dɔ Baabo yiwɔ̃ lɛ o gee mini 30 (vũ yaaka) piea mɔ. Baabo yi wɔ̃ geee e kea lɛɛ wɔ̃ gee e gbɛ̃a ko zi kɛɓe wa luo lɛ kɔa yia mɔ. Ko seĩ koo ko Baaboa leɓo ye waa kɛ Baaboa lonipiaa ka. Ye Baabo yi wɔ̃ geee aa nyɛɛ, koo “Watchtower” lɛ o gee awa doo mɔɔ mɛdã. Aa kɛɛ oo to mia seĩ lɛ o pakiemɔɔ yia waa da Watchtower e kilia geee ba o die zo ka. Wɔ̃ o gee yia lɛɛ gbũ ko mɔ kɛ kó to wɔ̃ lɛ Baabo a geea pie ko kɛɓe yi. Kii nɔ dooa oo gee nukiela ni lɛ a diee lɛ 110,000 (waa wũ doo la vũ doo) yia mɔ kpoula lɛ seĩ mɔ.

Koo gbumɔ sɔlɔɓo kɛ ko mɛ e kpala ko pɛ zɔ̃ɔ̃ yi. Zeniia, koo lɔɔ-gbĩĩ pakiemɔ kɛ nyɛŋɛipie lɔɔ seĩ ka. Pakiemɔ e kilia fĩa kãa lɛ yaaka. Oo a si Our Christian Life and Ministry, lɛ a gbɛ̃ɛ̃ lɛ pɔɔ lɛ lɛ mɛnɛ seĩ mɔɔ Life and Ministry Meeting Workbook yia mɔɔ. A beĩzɛɛ lɛ e Treasures From God’s Word kaa, lɛɛ gbũ ko mɔ kɛɛ ko Baaboa lɛ lɛ nukielaa aa lonia dɔ. A ye e toapie lɛ e Apply Yourself to the Field Ministry kaa, lɛɛ wɔ̃ kɛzi piegɔ̃kɛɛ lɛ e wɔ̃ gee e gbɛ̃a zi ko bɛi Baabo zɔ̃ɔ̃a mia lɛɛ mɔɔ zɔ̃ɔ̃. Mi do lɛ yi aa e nyiɛ kɛ ko mɔ kɛ e gbumɔ nɔ ko lɛɛ ko mɛ e kpala ko zi Baabo geee wa wee mia pie yi. (1 Temɔte 4:13) A teaa laa lɛ e Living as Christians kaa, lɛɛ wɔ̃ gee e gbɛ̃a zi ko bɛia mɔ ko toa liewe kpo vɔ lɛ́ o Baabo yia pie luo seĩ ka ko kɛɓe yia mɔ. Wɛĩlɔɔ lɛ o kɛ waa yiɓoa, laa kɛ kɔaa pɛ lɛ́ Baaboa a zɔ̃ɔ̃ɔ yima sɛ kpokpo ɓo.

Ye ɓaa nu ko pakiemɔ nia yia, Baabo zɔ̃ɔ̃ kɔ lɛ́ i loa sɔlɔɓoa lɛɛ lo i zo sii kpokpo ɓo.—Zɔ̃ɔ̃ 6:45

• Mɛɛ wɔ̃ lɛ i loa naa ɓa ma ye ɓaa lo Zihova la Kela vɔ wa pakiemɔ nia yia ka?

• Ko pakiemɔ ni lɛ o kũ lɔ́ɔ seĩ kaa ye kpɛɛ lɛ i lo a naa i loa mɔ?