Икымше христиан-влак пырля вашлийын муреныт, кумалыныт да тыгак Священный Возымашым лудын лончыленыт (1 Коринфян-влаклан 14:26). Нимогай ритуал-влак нунын лийын огытыл. Меат таче тыге ыштена.

Илышыште полшышо библийысе туныктымаш. Каныме кечын кажне погынымашыште 30 минут шуйнышо библийысе ойлымашым колыштыт. Тыгай ойлымаш-влак умылаш полшат, кузе Библий тачысе илышыште полшен кертеш да кузе уло тӱняште лиедыше событий-влакым умылтара. Ойлымашым колыштмо годым Библийым почаш да лудмым эскераш лиеш. Ойлымаш деч вара ик шагат жапыште «Орол башньым» шымлат. Вашмутым кажне пуэн кертеш. Тыгай лончылымаш библийысе принцип-влакым илышыште кучылташ полша. Уло тӱня мучко 120 000 погынымаш кокла гыч кажныштыже икгай материалым шымлат.

Туныкташ моштымашнам саемдена. Эше ме арня покшелне вашлийына. «Христианысе илыш ден служымашна» манме вашлиймаш кум ужаш гыч шога. Тиде вашлиймаш кажне тылзын лекше «Христианысе илыш ден служымашна» манме публикаций почеш эртаралтеш. Вашлиймашын икымше ужашыже «Юмын Мутшо гыч поянлык» маналтеш. Тудо Библийыште возымым сайрак умылаш полша. Библий гыч ойырен налме ужашым ме ончылгоч лудын налына. «Служымашнам саемдена» манме вес ужашыштыже весе-влак дене Библий нерген кузе мутланаш лиеш ончыктат. Тунемше-влакын лудмашыштым да мутланен моштымашыштым саемдаш полшаш манын, вашлиймашым вӱдышӧ иза каҥашым пуа (1 Тимофейлан 4:13). Вашлиймашын пытартыш ужашыже, «Христианысе илыш», библийысе принцип-влакым илышыш пурташ туныкта. Тиде ужашыштак ме, йодыш ден вашмутым кучылтын, Библийым келгынрак умылаш полшышо материалым шымлена.

Погынымашыште мемнам пешак сайын туныктат. Тидым, вашлиймашыш толын, те шке ужын кертыда (Исаия 54:13).

• Иегован Таныкше-влакын вашлиймашышт кузе эртаралтыт?

• А могай вашлиймашыш тендан толмыда шуэш?