Musongano jo maKristu o kutanga jaitanga maningi-ningi ngo ndumbo, mukumbiro, kuverengwa no kudurujihwa ko Matahwa—pacina zvimutango-mutango. (1 VaKorinto 14:26) Imwimwi mungavonavo zvakatojana maningi mu musongano jedu.

Zvijijo zvakacijikira mu Bhaibheri zve zvinoshanda. Mukupera ko bviki, ungano imwe nga imwe inoungana kuti mu 30 o museswa ipurutane hurukuro yo Bhaibheri inobhuya ngo zvinonanga Matahwa ngo pamusoro po upenyu hwedu zve ngo zvo mukuvo wotiri kurarama. Tese tinovangiswa kuteverera mu maBhaibheri edu. Yapera hurukuro, kuno Jijo yo “Murindiri” mukati mo nguva imwe, ndhengo zvese zvakasujunuka kuti zvidavire pa kubhuisana ko musoro wo cijijo co mujeura wo Murindiri. Cijijo ici, cinotibesera kushandisa ndhungamiro jo Bhaibheri mu upenyu hwedu. Musoro wondhowo unojijwa pasi pese, mu ungano jinodarika 100.000 jiri pasi pano.

Tinobesehwa kuti tiengejere kukwanisa kwedu kujijisa. Itisu tinosonganazve pakati po bviki ngo bviki kuti tiive mativi matatu o urongwa hwo musongano una musoro unoti Upenyu Hwedu hwo CiKristu no Mushando, wakacijikira pa zvo kujija zvinoviiswa mu Upenyu Hwedu no Mushando Ndhungamiriro jo Musongano jo mweji ngo mweji. Divi ro kutanga ro musongano uu, Upfumi Hunobva mu Soko ra Mwari, rinotibesera kuti kuzwisisa divi ro Bhaibheri raverengwa ngo ungano ucito waitwa usongano uu. Divi rinotevera, Zvishandisenyi mu Basa ro mu Munda, rinobatija kuezanisira ko mabhuiro otingaita ngo pamusoro po Bhaibheri no vamweni. Mupi wo mazano anonanga zvaanovona kuitira kutibesera kuti tibudirire pakuverenga no mazano o kuvereketa kwedu. (1 Timoti 4:13) Divi ro kupejisira, Kurarama inga MaKristu, rinovonesa mashandihwo aushoni o zviambi zvo Bhaibheri mu upenyu hwo njiku ngo njiku. Divi iri rinobatanija kubhuisana kunoitwa ngo mubvunjo no mupinguro, kunojikisa kuzwisisa kwedu Bhaibheri.

Pamunovona musongano jedu, pacina kukakanija munozoshamaisika ngo jijiso yo Bhibheri yamunonga  meciwana.—Isaia 54:13.

• Cicinyi camungavetera kuzwa pa musongano jo Zvapupu zvaJehovha?

• Ngowapi musongano wedu wo bviki no bviki wamaidakrira kutanga kuona?