Mévôg mvfo Mékréeté lôôn ntchou’té lé zôb, lé gʉo suingté, lé toŋo Ŋwa’né Ssé mbing nzi’i. Mèe métchou’té la té wo po tsô mélinôôn wô. (1 Korénto 14:26) Pég yiing ngʉo po pou’ou liè’ôôn na métchou’té még.

Lézi’i fo po tsèe Biible mbing nkoua’ nkuiété. Aa na ménzsoté ngab ntsém, pég tchou’té njou’ou ta’ two chouŋo na Biible yié a gʉo méminut 30. A gniè pa’ Ŋwa’né Ssé koua’ nkuiété wég tsaa wég lénéŋé, mboo na wégé tam. Mé ping nkuingté pʉa métsém lé fa’ ménkang ŋwé’é tsèe wôb Biible. Mé foo moo, ngʉo lézi’i «Nang.» Gning zo koung ta nkoué’é pwo ngôôn no. Pég lôgô ta’ hawa ngʉo sèe lézi’i. É kuièe tsèe Nang yié mé zi’i, a ping ngwiée métwo lézi’i ta ngiôôn, mé maga ta’ ta ngʉo mbii yétsô. Sôôn lézi’i kuiété wég lé yiŋé na mémbʉʉ Biible tsaa wég lénéŋé. Aa na ménzsoté ngab ntsém, mé pou ngʉo po ta’a two lézi’i tsèe métchou’té még mié é tôgô 120 000.

É kuiété wég lé tchouŋo chouŋo no Ssé. Pég yiŋé ntchou’té ta’ ntchwonzém tsèe ngaba la’, na tchou’té yié aa nzsé ta, mé tong lé Vie chrétienne et ministère. Choum sié pég zi’i kuièe tsaa Cahier pour la réunion Vie chrétienne et ministère. Mvôg mvfo nzsé na yôôn tchou’té aa Joyaux de la Parole de Dieu. A kuiété wég lé tchouŋo nzsé mmo yié aa tsèe jʉ’ʉ Biible yié mé waa too tchou’té, mba mé vôôg ntong. Mbôônté aa Applique-toi au ministère. A gwiée médémonstrasiông mié é kuiété wég na pa’ ngouô pég chouŋo no Ssé mbwo pétsô pʉa. Atsôô gning aa wo wuié a na ntʉôgô lé lôg nkuiété wég lé tchouŋo ntoŋo mmo, mboo lé gôôn no mvfo pʉa mboŋo. (1 Timoté 4:13) Laasé nzsé, Vie chrétienne, gnièe wég pa’ ngouô pég yiŋé na mémbʉʉ Biible fʉ’ ntsém tsaa wég lénéŋé. A gwiée ménzaté mié mé na mbʉèe moo, mié é kuiété lé tchouŋo njou’ou Biible.

O lôôn ntoo tchou’té pég, mba o gé gia pa’ mé lôgô Biible nzi’i pʉa mmo, ta a koua’ nkʉ’ʉ wou.—Ésaya 54:13.

• Métchou’té még tchʉaté lékô?

• A gʉa na métchou’té még, mba o né nkouŋo lé vôg ntoo na yèe?