Jesusta ñaupa punda catijcunaga cantangahua, Yaya Diosta mañangahua, Bibliara yachaungahuas tandarij anuca (1 Corintios 14:26). Can, ñucanchi tadarinama shamushaga shinallara ajtami ricungui.

Bibliamanda ali yachachishcaunara uyachinun. Caran sábado o caran domingo punzha tucui caran muntun tandarijcuna 30 minutuhualla Bibliamanda gustu Yachachishcara uyana nishca tian. Chibiga ñucanchi causaimanda, puchucai punzhaunamandas Biblia ima nijta ricuchinunmi. Bibliara leana hurasbi caran quiquin Bibliai pascasha leachu munanchi. Chi huashaga shuj horahualla Atalayamanda Yachana callarinmi, chibi La Atalaya nishca quillcamanda tucuiguna ima intindishcara maqui aisasha rimana ushanunmi. Cai quillca yachachinmi imasna Diospa Shimi pactachinara. Intiru mundui 110.000 yali tandarijcunai chi tunu yachaimandallara yachaunchi.

Ali yachanchingahua yanapan. Shinallara shu tuta semanaibi tandarinchi, quinsa parti charijta yachangaj. Cai tandarina Jesús rashcasna catisha causashunchi nishca an. Caran quilla Tandarinai Guía de actividades para la reunión Vida y Ministerio Cristianos nishca quillca tian. Punda parti yachanai anmi, “Bibliamanda valishca yachachishcauna” nishca. Tandarijcuna manara tandarinama rishallara, chi semanai Bibliamanda leangaj ajllashca partira ña leashca mas ali intindingaj. Chi huasha “Ali yachachijcuna tucushunchi” nishcai yachangaraunchi imasnara Bibliamanda shujcunama yachachina anchi. Shinallara shu yanapaj ñucanchi yachachishcara ricusha camachin, Bibliara leashcara, ñaupajma shayarisha yachachishcaras mas ali rurangaj (1 Timoteo 4:13). Puchucai partii “Jesusta catijcuna cuinta causashunchi”, nishcai Bibliamanda yachashcaunara tucui punzha imasna pactachina ashcara yachangaraunchi. Astaumbas chita mas intindingaj tapuigunahua, tapuigunara cutipashcaunahuas Bibliamanda mas ali yachangaraunchi.

Can ñucanchi tandarinama shamushaga, Bibliamanda ali yachachishcaunara uyanguimi (Juan 6:45).

• Jehovahuaj testigoguna tandarinama rishaga ¿imara ricungui?

• Tandarinama ¿ima punzha shamuna munangui?